Joe Biden :మెస్సి, జార్జ్ సోరోస్ కు అమెరికా అత్యున్నత పౌర పురస్కారం

తమ దేశ అత్యున్నత పౌర పురస్కారం ది ప్రెసిడెన్షియల్‌ మెడల్‌ ఆఫ్‌ ఫ్రీడం కు ఎంపికైన వారి జాబితాను అమెరికా అధ్యక్షుడు జో బైడెన్‌ (Joe Biden) ప్రకటించారు. ఈ జాబితాలో యూఎస్‌ విదేశాంగ శాఖ మాజీ మంత్రి హిల్లరీ క్లింటన్‌ (Hillary Clinton), స్టార్‌ ఫుట్‌బాల్‌ దిగ్గజం లియొనెల్‌ మెస్సి (Lionel Messi), ప్రముఖ బిలియనీర్‌  జార్జ్‌ సోరోస్‌ (George Soros )తో మొత్తం 19 మంది పేర్లు ఉన్నాయి. వైట్‌హౌస్‌లో ఈ పురస్కార ప్రదానం ఉంటుంది. వీరంతా అమెరికా ఉన్నతికి, ప్రపంచ శాంతి కోసం వారి వారి రంగాల్లో కృషి చేశారని ఈ సందర్భంగా బైడెన్‌ కొనియాడారు.