IPL Proposal: ఐపీఎల్ మ్యాచ్‌లో ప్రపోజ్ చేస్తూ రింగ్ జారవిడిచిన ఫ్యాన్!

ఐపీఎల్ మ్యాచ్‌లు కేవలం క్రికెట్ ఉత్కంఠకే కాదు, అప్పుడప్పుడు కొన్ని అందమైన, ఆసక్తికరమైన సంఘటనలకు కూడా వేదికగా మారుతుంటాయి. మ్యాచ్ మధ్యలో తమ భాగస్వాములకు ప్రేమను వ్యక్తపరుస్తూ స్టేడియంలో ప్రపోజ్ (IPL Proposal) చేయడం ఈమధ్య కాలంలో ఒక ట్రెండ్‌గా మారింది. అయితే ఇలాంటి ఒక రొమాంటిక్ ప్రయత్నం చేసిన ఓ క్రికెట్ అభిమానికి మాత్రం వింత అనుభవం ఎదురైంది.

ముంబై వర్సెస్ కేకేఆర్ మ్యాచ్‌లో..
ముంబైలోని ప్రఖ్యాత వాంఖడే స్టేడియం (Wankhede) వేదికగా ముంబై ఇండియన్స్, కోల్‌కతా నైట్ రైడర్స్ (MI vs KKR) జట్ల మధ్య జరిగిన ఉత్కంఠభరిత మ్యాచ్‌లో ఈ క్యూట్ ఘటన చోటుచేసుకుంది. గ్యాలరీలో కూర్చుని మ్యాచ్ వీక్షిస్తున్న ఓ యువకుడు, తన స్నేహితురాలికి జీవితకాల జ్ఞాపకంగా మిగిలిపోయేలా స్టేడియంలోనే ప్రపోజ్ (IPL Proposal) చేయాలని ప్లాన్ చేసుకున్నాడు. విశేషం ఏమిటంటే.. ఆ యువకుడు ముంబై ఇండియన్స్ అభిమాని కాగా, అతడి స్నేహితురాలు కోల్‌కతా నైట్ రైడర్స్ ఫ్యాన్ కావడం గమనార్హం.

జారిన ఉంగరం.. పెరిగిన టెన్షన్!
ప్లాన్ ప్రకారం అంతా సిద్ధం చేసుకున్న ఆ యువకుడు, తన జేబులోంచి ఖరీదైన ఉంగరాన్ని తీసి ఆమెకు ప్రపోజ్ (IPL Proposal) చేయబోయాడు. సరిగ్గా అదే సమయంలో ఊహించని ట్విస్ట్ ఎదురైంది. చేతిలోని ఉంగరం కాస్తా ప్రమాదవశాత్తూ జారిపోయి అక్కడున్న కుర్చీల మధ్యలో పడిపోయింది. దీంతో ఆ యువకుడి టెన్షన్ మామూలుగా లేదు. పక్కనే ఉన్న తోటి ప్రేక్షకులు కూడా ఆ ఉంగరం కోసం కుర్చీల కింద, ఇరుకు సందుల్లో వెతకడం మొదలుపెట్టారు.

ఎట్టకేలకు దొరకడంతో..
కొద్దిసేపు అక్కడ తీవ్ర గందరగోళం, ఉత్కంఠ నెలకొంది. చివరకు అందరూ కలిసి వెతకడంతో ఆ ఉంగరం దొరికింది. దాంతో ఆ యువకుడు ఊపిరి పీల్చుకున్నాడు. వెంటనే మోకాళ్లపై కూర్చొని తన ప్రియురాలికి ప్రపోజ్ (IPL Proposal) చేసి సర్ప్రైజ్ చేశాడు. ఆమె కూడా ఆనందంగా దానికి అంగీకరించింది. ఈ క్యూట్ అండ్ టెన్షన్ మూమెంట్‌ను పక్కనే ఉన్న కొందరు మొబైల్‌లో వీడియో తీసి సోషల్ మీడియాలో పోస్ట్ చేశారు. నెటిజన్లను విశేషంగా ఆకట్టుకుంటున్న ఈ దృశ్యాలు ప్రస్తుతం నెట్టింట తెగ వైరల్ అవుతున్నాయి.

Shei Prothom Bhalobashar feeling 💜 pic.twitter.com/AtiWuB863m

— KolkataKnightRiders (@KKRiders) March 30, 2026