ఎమ్మెల్యే పదవికి రేవంత్‌రెడ్డి రాజీనామా

తెలంగాణ ఎమ్మెల్యే రేవంత్‌రెడ్డి తన పదవికి రాజీనామా చేశారు. తెలంగాణ శాసన సభాపతి మధుసూదనాచారికి స్పీకర్‌ ఫార్మాట్‌లో రాజీనామా లేఖ అందించారు. తెలంగాణ తెలుగుదేశం పార్టీ వర్కింగ్‌ ప్రెసిడింట్‌గా ఉన్న రేవంత్‌రెడ్డి గత అక్టోబర్‌లో ఆ పార్టీ వీడి, రాహుల్‌గాంధీ సమక్షంలో కాంగ్రెస్‌ పార్టీలో చేరిన సంగతి తెలిసిందే. అంతకుముందు టీడీపీ జాతీయ అధ్యక్షుడు చంద్రబాబుతో సమావేశమైన రేవంత్‌రెడ్డి తన రాజీనామా పత్రాన్ని ఆయనకు అందజేశారు. తాను ఎమ్మెల్యేగా పోటీ చేసేందుకు అవకాశం కల్పించింది చంద్రబాబే కాబట్టి ఆయనకే తన రాజీనామా పత్రాన్ని సమర్పించినట్లు అప్పట్లో రేవంత్‌ తెలిపారు. దీంతో ఆయన రాజీనామా ఇప్పటివరకు పెండింగ్‌లో ఉంది. అయితే నేడు అనూహ్యంగా సభాపతి మధుసూదనాచారి ఛాంబర్‌కు వెళ్లిన రేవంత్‌రెడ్డి తన రాజీనామా పత్రాన్ని స్పీకర్‌ ఫార్మాట్‌లో సమర్పించి దాన్ని ఆమోదించాలని కోరారు.