CDK: హైదరాబాద్ కొంపల్లి జెడ్‌పీహెచ్‌ఎస్ విద్యార్థులకు విద్య, ఎదుగుదలకు సీడీకే చేయూత

ఆటోమొబైల్ రిటైల్ సాఫ్ట్‌వేర్‌లో ముందున్న సంస్థ సీడీకే, ఇటీవల కొంపల్లిలోని జిల్లా పరిషత్ హైస్కూల్ (ZPHS) విద్యార్థులతో సంభాషించింది. ఈ సందర్భంగా, సీడీకే ఉద్యోగులు అణగారిన వర్గాల పిల్లలతో కలిసి మాట్లాడారు. 500కు పైగా అమ్మాయిలకు పరిశుభ్రతా కిట్‌లు, ప్రతి విద్యార్థికి 325 స్కూల్ కిట్‌లను పంపిణీ చేశారు. యువ విద్యార్థులతో కొంత సమయం గడిపారు. ఈ సందర్శన ద్వారా సీడీకే ఉద్యోగులు విద్యార్థులతో తమ సొంత అనుభవాలను పంచుకున్నారు. వారి భవిష్యత్తు లక్ష్యాలను నిర్ణయించుకోవడానికి వారిని ప్రోత్సహించారు.

అత్యవసర వనరులను అందించడం ద్వారా మరియు ఆశయాలను పెంపొందించడం ద్వారా, సీడీకే తాను సేవలు అందిస్తున్న కమ్యూనిటీలలో అర్థవంతమైన, శాశ్వత ప్రభావాన్ని సృష్టిస్తోంది. ఈ కార్యక్రమంలో భాగంలో, కార్పొరేషన్లను వెనుకబడిన కమ్యూనిటీలతో అనుసంధానం చేసి, సామాజిక పరివర్తనను నడిపించే సంస్థ అయిన సేవా సహయోగ్ భాగస్వామ్యంతో పుణె, హైదరాబాద్‌లలో 1,000 పరిశుభ్రతా కిట్‌లు మరియు 1,000 స్కూల్ కిట్‌లను పంపిణీ చేస్తామని సీడీకే హామీ ఇచ్చింది.

ఈ స్కూల్ కిట్‌లలో పాఠశాల బ్యాగులు, నోట్‌బుక్‌లు మరియు స్టేషనరీ వంటి ముఖ్యమైన అభ్యాస సామగ్రి ఉన్నాయి, ఇవి విద్యా సంవత్సరం పొడవునా విద్యార్థులకు సహాయపడతాయి. జిల్లా పరిషత్ హైస్కూల్ కార్యక్రమంలో, 12 మంది సీడీకే వాలంటీర్లు ఈ కిట్‌లను పంపిణీ చేశారు, విద్యార్థులతో మాట్లాడారు, వారి వ్యక్తిగత అనుభవాలను పంచుకున్నారు. వారి భవిష్యత్తు కోసం లక్ష్యాలను నిర్దేశించుకోవాలని విద్యార్థులను ప్రోత్సహించారు. రుతుస్రావ ఆరోగ్యం మరియు శ్రేయస్సును ప్రోత్సహించడానికి, విద్యార్థినులకు పరిశుభ్రత మరియు ఆరోగ్యకరమైన పద్ధతుల గురించి అవగాహన కల్పించడానికి ఒక అవగాహన కార్యక్రమాన్ని నిర్వహించారు. ఈ సంభాషణలు సీడీకే, స్థానిక కమ్యూనిటీ మధ్య సంబంధాన్ని బలోపేతం చేయడానికి, ప్రోత్సాహకరమైన వాతావరణాన్ని, ఉమ్మడి సద్భావనను పెంచడానికి సహాయపడ్డాయి.

“ఆరోగ్యం మరియు విద్య అందుబాటులో ఉండటం అనేది సామాజిక పురోగతికి అత్యంత శక్తివంతమైన చోదక శక్తులలో ఒకటి. స్థిరమైన అభివృద్ధికి ఇది మూలస్తంభం. స్థానిక కమ్యూనిటీలకు మద్దతు ఇవ్వడంలో, సమాజంలోని వెనుకబడిన వర్గాలకు అవసరమైన పాఠశాల మౌలిక సదుపాయాలను అందించడంలో మా వంతు కృషి చేస్తున్నాం. ఇందుకు మేము గర్విస్తున్నాము,” అని సీడీకే మేనేజింగ్ డైరెక్టర్ సందీప్ జైన్ పేర్కొన్నారు. “నిజమైన సహకారం అనేది వనరులను అందించడం కంటే ఎక్కువ. ఇది అనుభవాలను పంచుకోవడం, ఆత్మవిశ్వాసాన్ని పెంచడం, యువ మనసులను పెద్ద కలలు కనేలా ప్రేరేపించడం గురించి. అందుకే మా ఉద్యోగులు అట్టడుగు స్థాయిలో నిమగ్నమై, ఆశయాలను పెంచి, అర్థవంతమైన ప్రభావాన్ని సృష్టించడానికి ముందుకు వచ్చారు” అని వివరించారు.

కొంపల్లిలోని జిల్లా పరిషత్ హైస్కూల్ చుట్టుపక్కల కమ్యూనిటీల నుండి వచ్చే పిల్లలకు సేవలు అందిస్తోంది. వీరిలో చాలా మంది ఆర్థిక ఇబ్బందులను ఎదుర్కొంటున్నారు. ఇలాంటి అనేక ప్రాంతాలలో, నాణ్యమైన విద్య మరియు ప్రాథమిక అభ్యాస సామగ్రి అందుబాటు పరిమితంగా ఉంది. ఈ లోపాన్ని తగ్గించడానికి మరియు విద్యార్థులను వారి లక్ష్యాలను సాధించడానికి శక్తివంతం చేయడానికి సీడీకే లక్ష్యంగా పెట్టుకుంది.

భారతదేశంలో సీడీకే చేపట్టిన కమ్యూనిటీ కృషి కార్యక్రమాలలో విద్య, ఆరోగ్యం, పర్యావరణ అవగాహన కమ్యూనిటీ అభివృద్ధి వంటి రంగాలు ఉన్నాయి. ఇటీవల పాఠశాలలకు మద్దతు ఇచ్చింది. పర్యావరణ కార్యక్రమాలను నిర్వహించింది. స్థిరమైన కమ్యూనిటీ పురోగతిని పెంచడానికి స్థానిక సంస్థలతో భాగస్వామ్యం కుదుర్చుకుంది. ఆచరణాత్మక, కమ్యూనిటీ-స్థాయి మద్దతుపై దృష్టి సారించడం ద్వారా, సీడీకే సమ్మిళిత వృద్ధికి, సమానమైన అభ్యాస అవకాశాలకు తోడ్పడుతోంది.