తెలంగాణలో సీనియర్ ఐఏఎస్‌ అధికారుల బదిలీలు
- Published By: Saidulu
- October 28, 2026 / 01:01 PM IST
తెలంగాణలో 12 మంది సీనియర్ ఐఏఎస్‌ (IAS)లను రాష్ట్ర ప్రభుత్వం బదిలీ చేసింది. అటవీశాఖ ప్రత్యేక ప్రధాన కార్యదర్శిగా జయేష్ రంజన్ (Jayesh Ranjan), విద్యుత్తుశాఖ ప్రత్యేక ప్రధాన కార్యదర్శిగా వికాస్‌రాజ్, క్రీడాశాఖ ప్రత్యేక ప్రధాన కార్యదర్శిగా వాణీ ప్రసాద్, పంచాయతీరాజ్ ప్రత్యేక ప్రధాన కార్యదర్శిగా నవీన్‌మిత్తల్ (Naveen Mittal), రెవెన్యూశాఖ ముఖ్య కార్యదర్శిగా శైలజా రామయ్యర్ (Shailaja Ramaiyer) నియమితులయ్యారు. గవర్నర్ ప్రత్యేక కార్యదర్శిగా ఉన్న దానకిశోర్ (Dana Kishore) పదవీకాలాన్ని పొడిగించారు. గిరిజన సంక్షేమశాఖ ప్రధాన కార్యదర్శిగా రాహుల్‌బొజ్జాకు, కోర్ అర్బన్ రీజియన్ ప్రత్యేక అధికారిగా సర్పరాజ్ అహ్మద్‌కు అదనపు బాధ్యతలు అప్పగించారు. రవాణా, రోడ్లు భవనాల శాఖ కార్యదర్శిగా కె.ఇలంబర్తి, మహిళా సంక్షేమం, ఎస్సీ శాఖ ప్రత్యేక కార్యదర్శిగా శ్రుతి ఓజా, వైద్యారోగ్యశాఖ డైరెక్టర్‌గా ముషారప్ అలీని నియమించింది. ఎస్పీడీసీఎల్ ఎండీ జితేష్ పాటిల్‌కు టీజీ రెడ్కో వీసీగా అదనపు బాధ్యతలు అప్పగించింది.
