అమెరికా కీలక నిర్ణయం… హెచ్ 1 బీ వీసాలపై

వీసాల జారీ విషయంలో అమెరికా ప్రభుత్వం కీలక నిర్ణయం తీసుకుంది. 2022 సంవత్సరానికి గాను హెచ్‌ 1బీ, ఎల్‌ 1, ఓ 1 వీసాల కోసం దరఖాస్తు చేసుకునే అభ్యర్థులకు వ్యక్తిగత ఇంటర్వ్యూను తాత్కాలికంగా నిలిపివేస్తున్నట్టు ప్రకటించింది. ఈ మేరకు అమెరికా విదేశాంగ శాఖ వెల్లడించింది. తాజా నిర్ణయంతో వర్క్‌ వీసా కోసం దరఖాస్తు చేసుకున్నవారు కాన్సులేట్‌కు వెళ్లి భౌతికంగా ఇంటర్వ్యూ ఇవ్వాల్సిన అవసరం లేదు. హెచ్‌-2 వీసా, ఎఫ్‌-ఎమ్‌ వీసా, ఎకాడమిక్‌ జే వీసాలపై ఇప్పటికే అమల్లో ఉన్న ఈ నిబంధనను 2022 డిసెంబర్‌ 31 వరకు పొడగిస్తూ కాన్సులర్‌ అధికారులకు విదేశాంగమంత్రి ఆంటోని బ్లింకెన్‌ ఆదేశాలు జారీ చేశారు. అయితే స్థానిక పరిస్థితులు, అవసరాల మేరకు కాన్సులేట్‌ అధికారులు ఇన్‌పర్సన్‌ ఇంటర్వ్యూలకు పిలచే అవకాశముంది. అందువల్ల సంబంధిత వెబ్‌సైట్ల్‌ను ఎప్పటికప్పుడు పరిశీలించామని విదేశాంగ శాఖ సూచించింది.