అమెరికాలో 1979 తర్వాత… ఇదే అతిపెద్ద

అమెరికాలో వరుసగా ఆరో ఏటా జనన రేటు తగ్గిపోయింది. ఇది రికార్డు స్థాయిలో 112 సంవత్సరాలకు చేరుకుంది. ఇది 2019తో పోలిస్తే నాలుగు శాతం తగ్గింది. సెంటర్‍ ఫర్‍ డిసీజ్‍ కంట్రోల్‍ అండ్‍ ప్రివెన్సన్‍ (సీడీసీ) తాజా నివేదికలో పేర్కొంది. గతేడాది జారీ చేసిన 99 శాతం ధ్రువీకరణ పత్రాల విశ్లేషణ ఆధారంగా దీన్ని తయారు చేశారు. 1979 తర్వాత ఇది అతిపెద్ద క్షీణత. జననరేటు తగ్గడానికి ప్రధాన కారణం ఆందోళన, భయం, ఆర్థికస్థితి క్షీణించడం కూడా ప్రధాన కారణాలు. కరోనా సమయంలో పిల్లలు వద్దు.. కొన్నాళ్లు ఆగుదామన్న భావన మహిళల్లో వ్యక్తమవుతున్నది.

సీడీసీ నివేదిక ప్రకారం.. గతేడాది అమెరికాలో సుమారు 3.6 మిలియన్ల (36 లక్షల) పిల్లలు జన్మించారు. ఇది 2019లో సుమారు 38 లక్షలు. 2007లో  ఈ సంఖ్య 4.3 మిలియన్లు (43 లక్షలు). అమెరికాలో సంతానోత్పత్తి రేటు కొంతకాలం కిందట 2.1 శాతంగా ఉండగా, ఇప్పుడు 1.6 శాతానికి పడిపోయింది. ఇది గత పదేండ్ల నిరంతర క్షీణతగా నమోదైంది.