కరోనా టీకా తీసుకున్న జో బైడెన్

అమెరికా అధ్యక్షుడిగా ఎన్నికైన జో బైడెన్‌ కొవిడ్‌ వ్యాక్సిన్‌ను తీసుకున్నారు. డెలావర్‌లోని క్రిస్టియానా హాస్పిటల్‌లో 78 ఏళ్ల బైడెన్‌కు ఫైజర్‌ టీకా ఇచ్చారు. వ్యాక్సినేషన్‌ కార్యక్రమాన్ని అమెరికా చానళ్లు ప్రత్యక్ష ప్రసారం చేశాయి. అమెరికన్ లలో కరోనా టీకా పట్ల ఉన్న అపోహలను తొలగించేందుకు బహిరంగంగా వ్యాక్సిన్‌ తీసుకున్నట్లు బైడెన్‌ పేర్కొన్నారు. టీకా విషయంలో ప్రజలు ఎలాంటి ఆందోళన పడాల్సిన అవసరం లేదని చెప్పారు. వచ్చే ఏడాది నుంచి అమెరికాలో టీకా పంపిణీకి ప్రభుత్వం ఏర్పాటు చేస్తోంది. ఇందులో భాగంగా వ్యాక్సిన్‌ ఉన్న భయాందోళలను తొలగించేందుకు నూతన అధ్యక్షుడిగా ఎన్నికైన జో బైడెన్‌ ముందుకు వచ్చారు. తాను టీకాను బహిరంగంగా తీసుకుంటానని ప్రకటించారు. ఇందులో భాగంగానే ఆయన వ్యాక్సిన్‌ తీసుకున్నారు. ఇప్పటి వరకు అమెరికాలో 17.5 మిలియన్లకు పైగా జనం మహమ్మారి బారినపడ్డారు. 3.15 లక్షల మంది మృత్యువాతపడ్డారు.