వారికి మాస్కు అక్కర్లేదు… అమెరికా

అమెరికాలో వ్యాక్సినేషన్‍ పూర్తయిన వాళ్లు ఇకపై మాస్కుల్లేకుండానే బయట తిరగొచ్చు అని సెంటర్‍ ఫర్‍ డిసీజ్‍ కంట్రోల్‍ అండ్‍ ప్రివెన్షన్‍ (సీడీసీ) సవరించిన మార్గదర్శకాలు విడుదల చేసింది. ఒంటిరిగా లేదా కుటుంబసభ్యులతో కలిసి నడకకు, వాహనాలపై షికారుకు వెళ్లొచ్చు. పూర్తి వ్యాక్సినేషన్‍ జరిగిన ప్రజల సమూహంలోకి కూడా వెళ్లొచ్చు. అయితే పెద్ద గుంపులోకి, కొత్త వ్యక్తుల సమూహంలోకి వెళ్లేప్పుడు మాస్కు ఉంటేనే మేలు.  వ్యాక్సినేషన్‍ పూర్తయినవారితో పాటు పాక్షికంగా జరిగినవారు ఇకపై బయట మాస్కు లేకుండా తిరగొచ్చు. అదే సమయంలో వ్యాక్సిన్లు వేయించుకోవానివారు మాత్రం ఇంటిబయట మాస్కులు ధరించడం కొనసాగించాలి తెలిపింది.