ఆధారాలు లేని విషయానికి.. ఎవరైనా ఎలా

చైనాలోని వూహాన్‍ ల్యాబ్‍ నుంచే కరోనా వైరస్‍ లీకయిందని, దీనిపై మరింత లోతైన విచారణ అవసరమని అమెరికా సహా ప్రపంచ దేశాలు అనుమానాలు వ్యక్తం చేస్తున్న వేళ ఆ ల్యాబ్‍లో అత్యంత కీలకమైన వ్యక్తి చైనా బ్యాట్‍వుమెన్‍గా ప్రసిద్ధి చెందిన షియొంగ్లి తొలిసారి స్పందించారు. చైనా ప్రభుత్వం ఎప్పట్నుంచో చెబుతున్నట్టుగానే ల్యాబ్‍ నుంచి వైరస్‍ లీక్‍ కాలేదని పేర్కొన్నారు. ఎప్పుడూ మీడియాతో మాట్లాడని ఆమె న్యూయార్క్ టైమ్స్కు ఈ మెయిల్‍ ద్వారా ఇంటర్వ్యూ ఇచ్చారు. వూహాన్‍ ల్యాబ్‍ నుంచి వైరస్‍ లీక్‍ అవలేదన్నది వాస్తవం. ఈ భూమ్మీద ఆధారాలు లేని విషయాన్ని ఎవరైనా ఆధారాన్ని ఎలా చూపిస్తారు అని ఆమె ప్రశ్నించారు. అమాయకులైన శాస్త్రవేత్తలపై ప్రపంచం ఎందుకిలా నిందలు వేస్తోంది అని షి యొంగ్లి ఆగ్రహం వ్యక్తం చేశారు.