భారీ రేటుకు వృషక‌ర్మ డిజిటల్ రైట్స్

నాగచైతన్య(naga chaitanya) హీరోగా, విరూపాక్ష(Virupaksha) ఫేమ్ డైరెక్ట‌ర్ కార్తీక్ దండు(Karthik Dandu) తెరకెక్కిస్తున్న ప్రతిష్ఠాత్మక సినిమా వృషకర్మ(Vrushakarma)పై ఇండస్ట్రీలో అంచనాలు మరింత పెరుగుతున్నాయి. ఇప్పటికే ఈ సినిమాపై ప్రేక్షకుల్లో ఆసక్తి నెలకొనగా, తాజాగా వచ్చిన బిజినెస్ అప్‌డేట్ ట్రేడ్ వర్గాల్లో హాట్ టాపిక్‌గా మారింది. ఈ సినిమాకి సంబంధించిన శాటిలైట్, డిజిటల్ రైట్స్ ను ప్రముఖ మీడియా సంస్థ జీ(Zee) ఫ్యాన్సీ ధరకు సొంతం చేసుకున్నట్లు సమాచారం. రిలీజ్‌కు ముందే మంచి బిజినెస్ నమోదు కావడం సినిమాపై ఉన్న నమ్మకాన్ని ప్రతిబింబిస్తోందని సినీ వర్గాలు అభిప్రాయపడుతున్నాయి.

ప్రస్తుతం పోస్ట్ ప్రొడ‌క్ష‌న్ వ‌ర్క్స్ ఆఖ‌రి దశకు చేరుకున్న నేపథ్యంలో, త్వరలోనే రిలీజ్ డేట్ ను అఫీషియ‌ల్ గా అనౌన్స్ చేసే అవకాశం ఉందని తెలుస్తోంది. రిలీజ్ డేట్ ఫిక్స్ అయిన వెంటనే ప్రమోషన్లను కూడా గ్రాండ్‌గా ప్రారంభించేందుకు మేకర్స్ ప్రణాళికలు సిద్ధం చేస్తున్నారని సమాచారం. కథ, కాన్సెప్ట్ పరంగా విభిన్నంగా రూపొందుతున్న ఈ సినిమాలో మీనాక్షి చౌదరి(Meenakshi Chaudhary) హీరోయిన్‌గా నటిస్తుండగా, కార్తీక్ దండు తన ప్రత్యేకమైన మేకింగ్ స్టైల్‌తో మరోసారి ప్రేక్షకులను థ్రిల్ చేయబోతున్నారనే అంచనాలు ఉన్నాయి.

ఇక నాగచైతన్య విషయానికి వస్తే, తండేల్(Thandel) సినిమాతో ఆయన కెరీర్‌లోనే కీలకమైన విజయాన్ని అందుకున్నారు. ఆ సినిమా తర్వాత చైతూ నుంచి వస్తున్న ప్రాజెక్ట్ కావడంతో వృషకర్మపై అభిమానుల్లో భారీ అంచనాలు నెలకొన్నాయి. ఇప్పటికే ప్రీ రిలీజ్ బిజినెస్‌లో సానుకూల సంకేతాలు కనిపిస్తుండటంతో, సరైన ప్రమోషన్స్‌తో ఈ సినిమా మార్కెట్‌లో మరింత హైప్ క్రియేట్ చేసే అవకాశాలున్నాయని ట్రేడ్ విశ్లేషకులు భావిస్తున్నారు. రిలీజ్ డేట్ అనౌన్స్‌మెంట్ తో ఈ సినిమాకు సంబంధించిన సందడి మరింత పెరగడం ఖాయంగా కనిపిస్తోంది.