వైరల్ అవుతున్న రానా దగ్గుబాటి పెళ్లి పత్రిక

రానా దగ్గుబాటి పెళ్లి పత్రిక ఒకటి సోషల్ మీడియాలో వైరల్ అవుతోంది. పౌరాణికం థీమ్ మాయాబజార్ చిత్రంలోని ద్వాపర యుగం నాటి దూర దర్శనం తీసుకొని రూపొందించిన ఈ పత్రిక ప్రతిఒక్కరినీ ఆకట్టుకుంటోంది.అందరూ లాక్‌డౌన్ గురించి తీవ్రంగా ఆలోచిస్తున్న సమయంలో ‘ఆమె ఎస్ అనేసింది’ అంటూ తన ప్రేయసిని పరిచయం చేస్తూ సడెన్ సర్‌ప్రైజ్ చేశారు దగ్గుబాటి రానా. ఏకంగా తన లవర్ మిహీకా బజాజ్ ఫోటోని సోషల్ మీడియాలో పోస్ట్ చేస్తూ విషయాన్ని బయటపెట్టేశారు. ఆ వెంటనే రంగంలోకి దిగిన రానా తండ్రి, నిర్మాత సురేష్ బాబు.. ఇది ప్రేమ వరకేనా లేక పెళ్లి కూడా చేసుకుంటారా? అనే దానిపై ఏ మాత్రం ఆలస్యం చేయకుండా క్లారిటీ ఇచ్చేశారు.ఆ తర్వాత మే 21వ తేదీన రానా, మిహీక కుటుంబాలు రోకా ఫంక్షన్ ద్వారా ఒక్కటై వారి పెళ్లి జరగనుందని అధికారికంగా తెలిపాయి. ఇక తాజాగా ఇరు కుటుంబాలు అనుకున్న ఆ తేదీ ఆగస్టు 8నే పెళ్లి వేడుక జరగనుందని పేర్కొంటూ ఓ‌ పెళ్లి పత్రిక వీడియో ఒకటి బయటికి వచ్చింది.

ఈ వివాహ పత్రికను వీడియో రూపంలో ఎంతో అద్భుతంగా డిజైన్ చేయడం విశేషం. పౌరాణికం థీమ్‌ తీసుకొని పాత చిత్రం ‘మాయాబజార్’లోని సన్నివేశాన్ని జత చేస్తూ రానా, మిహీకాల ఫొటోలతో ఆసక్తికరంగా రూపొందించారు. దీంతో రానా వివాహ పత్రిక క్షణాల్లోనే సోషల్ మీడియాలో వైరల్‌గా మారింది.ఆగస్టు 8వ తేదీ మధ్యాహ్నం 2 గంటలకు, చైతన్య ఎన్‌క్లేవ్, ఖాజాగూడ, మణికొండ, హైదరాబాద్‌లో రానా- మిహీకా వివాహం జరుగుతుందని ఈ ఇన్విటేషన్ వీడియోలో వెల్లడించారు. అయితే, ఈ వీడియోను రానా కానీ, మిహీకా కానీ అధికారికంగా తమ సోషల్ మీడియా హ్యాండిల్స్ ద్వారా విడుదల చేయలేదు. అందుకే, ఈ ఇన్విటేషన్ వీడియో అధికారిక ప్రకటన కాదా ఒకవేళ రానా ఫ్యాన్ ఎవరైనా క్రియేట్ చేసిందా అనే అని అనుమానంగా ఉంది. ఇదిలా ఉంటే, కరోనా విలయతాండం చేస్తున్న కారణంగా ప్రభుత్వ నిబంధనలను అనుసరించి కొద్దిమంది సన్నిహితుల సమక్షంలోనే రానా వివాహ వేడుక జరగనుందని తెలుస్తోంది. ప్రస్తుతం ఈ పెళ్ళికి సంబంధించిన ఏర్పాట్లు ముమ్మరంగా జరుగుతున్నట్లు సమాచారం.