ఎన్టీఆర్- నెల్సన్ సినిమా ఇప్పట్లో లేనట్టేనా?

యంగ్ టైగర్ ఎన్టీఆర్(NTR), డైరెక్ట‌ర్ నెల్సన్ దిలీప్‌కుమార్(nelson dileep kumar) కాంబినేష‌న్ లో సినిమా వస్తుందన్న వార్తలు మరోసారి టాలీవుడ్‌లో ఆసక్తిని పెంచుతున్నాయి. నిర్మాత నాగవంశీ(naga vamsi) గతంలో ఈ ప్రాజెక్ట్‌పై క్లారిటీ ఇవ్వడంతో ఫ్యాన్స్ లో భారీ అంచనాలు ఏర్పడ్డాయి. అయితే ఈ క్రేజీ కాంబినేషన్ ఎప్పుడు పట్టాలెక్కుతుందన్న ప్రశ్నకు ఇప్పటికీ సమాధానం దొరకడం లేదు. ఇద్దరూ తమ తమ ప్రాజెక్టులతో బిజీగా ఉండటమే ఇందుకు మెయిన్ రీజ‌న్ గా కనిపిస్తోంది.

ప్రస్తుతం నెల్సన్ సూపర్‌స్టార్ రజనీకాంత్‌(rajinikanth)తో తెరకెక్కిస్తున్న జైలర్2(jailer2) పనుల్లో నిమగ్నమయ్యారు. జైల‌ర్ మొదటి భాగం అందుకున్న స‌క్సెస్ తో సీక్వెల్‌పై అంచనాలు భారీగా ఉన్నాయి. ఈ నేపథ్యంలో డైరెక్ట‌ర్ ప్రియారిటీల లిస్ట్ లో జైలర్2 కీలకంగా మారింది. మరోవైపు ఎన్టీఆర్, ప్రశాంత్ నీల్(Prasanth Neel) దర్శకత్వంలో రూపొందుతున్న డ్రాగన్(Dragon) సినిమాతో బిజీగా ఉన్నారు. ఈ ప్రాజెక్ట్ రెండు భాగాలుగా తెరకెక్కనుందన్న ప్రచారం నేపథ్యంలో ఆయన తదుపరి సినిమా షెడ్యూల్స్‌పై ఆసక్తి నెలకొంది.

ఈ పరిణామాల మధ్య ఎన్టీఆర్‌తో నెల్సన్ సినిమా ఆలస్యమవుతుందా? లేక ముందుగా అనుకున్న ప్రకారమే ఫ్యూచ‌ర్ లో ప్రారంభమవుతుందా? అన్న డిస్క‌ష‌న్ సాగుతోంది. జైలర్2కు ముందు నెల్సన్ మరో తెలుగు హీరోతో సినిమా చేయాలనుకున్నారా? అనే సందేహాలు కూడా వినిపిస్తున్నాయి. అయితే ఈ విష‌యాల‌పై ఎలాంటి అఫీషియ‌ల్ ఇన్ఫ‌ఱ్మేష‌న్ లేదు. ప్రాజెక్ట్ క్యాన్సిల్ అయింద‌ని చెప్పడానికి కూడా ప్రూఫ్స్ లేవు. ఇద్దరి షెడ్యూల్స్ కుదిరినప్పుడే ఈ కాంబినేషన్‌పై క్లారిటీ వచ్చే అవకాశం ఉంది.