యూత్‌లో జోష్ పెంచిన ‘అల సెంద్రవంక’.. 30న థియేటర్లలోకి ‘క్రేజీ కల్యాణం’

ఈ నెల 30న గ్రాండ్ థియేట్రికల్ రిలీజ్ కు వస్తున్న “క్రేజీ కల్యాణం” మూవీ

నరేష్ వీకే, అనుపమ పరమేశ్వరన్, తరుణ్ భాస్కర్, రాజ్ వెడ్స్ రాంబాయి ఫేమ్ అఖిల్ ఉడ్డెమారి ప్రధాన పాత్రల్లో నటిస్తున్న సినిమా “క్రేజీ కల్యాణం”. ఈ చిత్రాన్ని యారో సినిమాస్ బ్యానర్ పై ప్రొడక్షన్ నెం. 2గా ప్యాషనేట్ ప్రొడ్యూసర్ బూసం జగన్ మోహన్ రెడ్డి నిర్మిస్తున్నారు. దర్శకుడు బద్రప్ప గాజుల రూపొందిస్తున్నారు. ఈ నెల 30న “క్రేజీ కల్యాణం” సినిమా గ్రాండ్ థియేట్రికల్ రిలీజ్ కు రెడీ అవుతోంది.

తాజాగా ఈ చిత్రంలోని ‘అల సెంద్రవంక’ సాంగ్ ను హైదరాబాద్ వోక్సెన్ యూనివర్సిటీ విద్యార్థుల సందడి మధ్య లాంఛ్ చేశారు. ఈ ఈవెంట్ లో హీరో అఖిల్ ఉడ్డెమారి పాల్గొని తన డ్యాన్సులతో, మాటలతో భారీ సంఖ్యలో వచ్చిన విద్యార్థుల్లో జోష్ నింపారు. విద్యార్థులు ఉత్సాహంగా ఈ పాటకు స్టెప్స్ వేశారు. “క్రేజీ కల్యాణం” సినిమా యూత్ తో పాటు ఫ్యామిలీ ఆడియెన్స్ ను ఆకట్టుకుంటుందని ఈ సందర్భంగా హీరో అఖిల్ చెప్పారు. ‘అల సెంద్రవంక’ పాటను సురేష్ బొబ్బిలి బ్యూటిఫుల్ మెలోడీ ట్యూన్ తో కంపోజ్ చేయగా గోరటి వెంకన్న ఆకట్టుకునే లిరిక్స్ అందించారు. అనురాగ్ కులకర్ణి అందంగా పాడారు.