మరో బంపరాఫర్ కొట్టేసిన సాత్విక వీరవల్లి.. అల్లు అరవింద్ సర్ప్రైజ్ అనౌన్స్మెంట్!
దుల్కర్ సల్మాన్(Dulquer salman) హీరోగా నటించిన ఆకాశంలో ఒక తార(aakasam lo oka taara) సినిమాతో హీరోయిన్గా పరిచయమవుతున్న యంగ్ హీరోయిన్ సాత్విక వీరవల్లి(Satvika veeravalli) ఇప్పుడు టాలీవుడ్లో హాట్ టాపిక్గా మారింది. ఈ శుక్రవారం ప్రేక్షకుల ముందుకు రానున్న ఈ సినిమాలో ఆమె యాక్టింగ్కు మేకర్స్ నుంచి ప్రశంసలు లభిస్తున్నాయి. ముఖ్యంగా నిర్మాత అల్లు అరవింద్(Allu aravind) సాత్విక పెర్ఫార్మెన్స్పై స్పెషల్ గా రెస్పాండ్ అవడం ఇంట్రెస్టింగ్ గా మారింది. మొదట ఈ క్యారెక్టర్ కోసం పేరున్న స్టార్ హీరోయిన్ను తీసుకోవాలని భావించినప్పటికీ, సాత్విక యాక్టింగ్ చూసి ఆశ్చర్యపోయానని ఆయన వెల్లడించారు.
ఇవి కూడా చదవండి
అంతేకాదు, సాత్వికకు సంబంధించి మరో కీలక అనౌన్స్మెంట్ కూడా చేశారు అల్లు అరవింద్. నాగచైతన్య(naga chaitanya) హీరోగా తెరకెక్కనున్న తన నెక్ట్స్ మూవీలో ఆమెను హీరోయిన్ గా ఫిక్స్ చేసినట్లు అనౌన్స్ చేశారు. బన్నీ వాసు(bunny vasu)తో కలిసి అల్లు అరవింద్ నిర్మించనున్న ఈ ప్రాజెక్ట్ గురించి అఫీషియల్ అనౌన్స్మెంట్ రావడానికి ముందే హీరోయిన్ ఎవరనే విషయాన్ని వెల్లడించడం విశేషం. దీంతో సాత్వికకు టాలీవుడ్లో మరో క్రేజీ అవకాశం దక్కినట్లయింది.
ఇక సాత్విక నేపథ్యం కూడా ఆసక్తికరమే. అమెరికాలో టెకీగా పనిచేస్తున్న ఆమెకు అనూహ్యంగా సినిమాల్లో నటించే అవకాశం వచ్చింది. ఆకాశంలో ఒక తార కోసం సినిమాకు సెలెక్ట్ అయిన తర్వాతే యాక్టింగ్ వైపు అడుగులు వేసింది. మొదటి సినిమాతోనే ఆడియన్స్ ముందుకు వస్తున్న ఈ బ్యూటీకి ఇప్పుడు నాగచైతన్య సరసన మరో అవకాశం దక్కడం కెరీర్ పరంగా మంచి ఆరంభమనే చెప్పాలి.







