Malabar: ‘బ్రైడ్స్ ఆఫ్ ఇండియా’ మెరుపులు.. మలబార్ గోల్డ్ & డైమండ్స్ 15వ ఎడిషన్ ప్రారంభం

హైదరాబాద్: పెళ్లి వేడుకలను మరింత వైభోగంగా మార్చేందుకు ప్రపంచ ప్రఖ్యాత ఆభరణాల బ్రాండ్ మలబార్ గోల్డ్ & డైమండ్స్ సిద్ధమైంది. తన ప్రతిష్టాత్మక ప్రదర్శన ‘బ్రైడ్స్ ఆఫ్ ఇండియా’ 15వ ఎడిషన్‌ను హైదరాబాద్‌లోని సోమాజిగూడ ఆర్టిస్ట్రీ స్టోర్‌లో ఘనంగా ప్రారంభించనుంది. డిసెంబర్ 20 నుండి 28 వరకు జరిగే ఈ ప్రదర్శన, భారతీయ వివాహ సంప్రదాయాల వైవిధ్యాన్ని మరియు పెళ్లి ఆభరణాల అద్భుత పనితనాన్ని కళ్ళకు కట్టినట్లు చూపనుంది.

దక్షిణ భారతీయ వధువుల కోసం ప్రత్యేకంగా..
ఈ ప్రదర్శనలో ప్రధానంగా దక్షిణ భారత పెళ్లి సంప్రదాయాల సంపన్నతను ప్రతిబింబించే ఆభరణాలకు పెద్దపీట వేశారు. ఆలయ శైలి డిజైన్లు, క్లిష్టమైన బంగారు పనితనం, రోజంతా ధరించినా ఇబ్బంది కలగని తేలికపాటి పెళ్లి ఆభరణాలు ఇక్కడ ప్రత్యేక ఆకర్షణగా నిలవనున్నాయి. కేరళ కసవు స్టైల్, తమిళనాడు ఆలయ కళాత్మకతతో పాటు తెలంగాణ, ఆంధ్రప్రదేశ్ వధువుల ప్రాధాన్యతలకు అనుగుణంగా ఈ కలెక్షన్‌ను రూపొందించారు.

కేవలం దక్షిణ భారతదేశమే కాకుండా, దేశంలోని వివిధ ప్రాంతాల విశిష్టతలను కూడా ఈ ఎడిషన్‌లో పొందుపరిచారు:

రాజస్థాన్: రాజసం ఉట్టిపడే పోల్కీ హస్తకళ.

బెంగాల్: కళాత్మకమైన మరియు సున్నితమైన మోటిఫ్‌లు.

కేరళ: సంప్రదాయ బంగారు ఆభరణాల వారసత్వం.

మలబార్ గ్రూప్ చైర్మన్ ఎం.పి. అహ్మద్ ఈ సందర్భంగా మాట్లాడుతూ.. “ప్రతి వధువు తన పెళ్లి రోజున సంప్రదాయబద్ధంగా కనిపించడమే కాకుండా, ఆ ఆభరణాలను హాయిగా ధరించాలన్నదే మా ఉద్దేశం. అందుకే వధువుల వ్యక్తిగత ఇష్టాలు, ఆచారాలకు గౌరవం ఇస్తూ ఈ ‘బ్రైడ్స్ ఆఫ్ ఇండియా’ ఎడిషన్‌ను తీసుకువచ్చాం” అని తెలిపారు.