ట్రంప్‍ అమలు చేసిన నిబంధనలను.. బయటపెట్టిన

డొనాల్డ్ ట్రంప్‍ హయాంలో అనుమానిత తీవ్రవాదులపై అమలు చేసిన నిబంధనలను జో బైడెన్‍ ప్రభుత్వం తాజాగా బయటపెట్టింది. విదేశాల్లో తీవ్రవాద అనుమానితులపై ఈ నిబంధనలను అమలు చేసేవారు. కొన్ని భాగాలను బైడెన్‍ ప్రభుత్వం సెన్సార్‍ చేసినప్పటికీ విడుదల చేసిన భాగాలను చూస్తుంటే దాడులకు సంబంధించిన నిర్ణయాలు తీసుకునే అధికారాన్ని ఈ రంగంలోని కమాండర్లకు ట్రంప్‍ ఇచ్చారు. ఆనాడు వాటిని బహిర్గతం చేయడానికి ట్రంప్‍ ప్రభుత్వం తిరస్కరించింది. ఈ తరహాలో చేపట్టే ఆపరేషన్లలో పౌరులు గాయపడడం కానీ, ప్రాణనష్టం కానీ ఉండదనుకుంటే దాడులకు అనుమతి ఇచ్చేవారని తెలుస్తోంది. ఈ నిబంధనలన్నింటీని బైడెన్‍ అధికారంలో వచ్చిన తొలిరోజే సస్పెండ్‍ చేశారు. తీవ్రవాద లక్ష్యాలపై నేరుగా దాడి జరపడానికి నిబంధనలు, ప్రమాణాలు పద్ధతులు అనే శీర్షికతో ఈ నిబంధనలు ఉన్నాయి. తీవ్రవాద గ్రూపు నుండి ఎదురయ్యే ముపు•ను పరిష్కరించేందుకు అమెరికా చేపట్టాల్సిన తక్షణ చర్యలను ఈ నిబంధనల కింద అనుమతిస్తారు. 2017 డిసెంబరులో అమెరికన్‍ పౌర హక్కుల యూనియన్‍ (ఎసిఎల్‍యు), న్యూయార్క్ టైమ్స్ దాఖలు చేసిన పిటిషన్‍పై విచారించిన ఫెడరల్‍ జడ్జి గత అక్టోబరులో ఇచ్చిన రూలింగ్‍ మేరకు ఈ నిబంధనలను విడుదల చేశారు.