డొనాల్డ్‌ ట్రంప్‌ కంటే…కమలా హారిస్‌కే రెట్టింపు!

అమెరికా అధ్యక్ష ఎన్నికల్లో డెమోక్రట్‌, రిపబ్లికన్‌ అభ్యర్థుల మధ్య తీవ్ర పోటీ కొనసాగుతోంది. ప్రచారంలో దూసుకెళ్తున్న ఉపాధ్యక్షురాలు కమలా హారిస్‌ మాజీ అధ్యక్షుడు డొనాల్డ్‌ ట్రంప్‌నకు గట్టి  పోటీ ఇస్తున్నారు. ఈ క్రమంలో ఆమెకు భారీ స్థాయిలో మద్దతు వస్తున్నట్లు తెలుస్తోంది. ఆగస్టులో ట్రంప్‌నకు వచ్చిన విరాళాల కంటే హారిస్‌ రెట్టింపు విరాళాలు సేకరించడం గమనార్హం.  డెమోక్రట్‌ తరపున అభ్యర్థిత్వం ఖరారైన తర్వాత కమలా హారిస్‌ పూర్తి స్థాయి ప్రచారాన్ని మొదలుపెట్టారు. ఇందులో భాగంగా ఆగస్టులో 30 లక్షల మంది దాతల నుంచి 36.1 కోట్ల డాలర్ల విరాళాలను సేకరించారు. సెప్టెంబర్‌లో న్యూయార్క్‌, అట్లాంటా, లాస్‌ ఏంజిల్స్‌, శాన్‌ ఫ్రాన్సిస్కోలలో పలు కార్యక్రమాలు నిర్వహించేందుకు హారిస్‌ బృందం ఏర్పాట్లు చేస్తోంది. ట్రంప్‌ మాత్రం ఆగస్టులో 13కోట్ల డాలర్లను మాత్రమే సేకరించినట్లు ఆయన బృందం వెల్లడిరచింది.