అధికార బదిలీకి అంగీకరించిన డొనాల్డ్ ట్రంప్

అమెరికా అధ్యక్షుడు డొనాల్డ్ ట్రంప్‍ దిగొచ్చారు. తాజాగా జరిగిన అధ్యక్ష ఎన్నికల్లో తన ఓటమిని అంగీకరించారు. క్రమబద్ధంగా అధికార బదిలీకి అంగీకరిస్తున్నట్లు ఆయన ప్రకటన జారీ చేశారు. క్యాపిటల్‍ హిల్‍లో యూఎస్‍ కాంగ్రెస్‍ బైడెన్‍ ఎన్నికకు సర్టిఫికేట్‍ ఇచ్చిన తర్వాత ఈ ప్రకటన విడుదల చేశారు. జనవరి 20వ తేదీన జరగనున్న దేశాధ్యక్షుడి ప్రమాణ స్వీకారోత్సవానికి లైన్‍ క్లియర్‍ చేస్తున్నట్లు ఆయన వెల్లడించారు. కానీ తాజాగా ముగిసిన ఎన్నికల్లో మాత్రం మోసం జరిగినట్లు ట్రంప్‍ మళ్లీ మళ్లీ చెప్పారు. ఎన్నికల ఫలితాలను తీవ్రంగా వ్యతిరేకిస్తున్నాను, అయినా కానీ జనవరి 20నాటికి క్రమబద్ధగా అధికార బదిలీ జరుగుతుందని ఆయన అన్నారు. ట్రంప్‍ తన ప్రతినిధి ట్విట్టర్‍ అకౌంట్‍లో ఈ ప్రకటన చేశారు.