అమెరికాలో నివసిస్తున్న భారతీయులకు గూడ్‌న్యూస్‌

అమెరికా అధ్యక్షుడు జో బైడెన్‌ మరో గూడ్‌న్యూస్‌ అందించారు. హెచ్‌-1బీ వీసాదారుల జీవిత భాగస్వాములకు ఊరట కలిగించే నిర్ణయం తీసుకున్నారు. అమెరికాలో హెచ్‌ 1 బీ వీసాదారుల జీవిత భాగస్వాములకు ఉద్యోగం చేసే అవకాశాన్ని కొనసాగిస్తున్నట్లు ప్రకటించారు. ఒబామా హయాంలో వాళ్లకు ఈ అవకాశం కల్పించగా, గత ట్రంప్‌ ప్రభుత్వం దానిని రద్దు చేసే ప్రయత్నం చేసింది. ట్రంప్‌ వైట్‌హౌజ్‌లో ఉన్నంత కాలం ఆందోళనలోనే ఉన్న హెచ్‌-4 డిపెండెంట్‌ వీసాదారులు.. తాజా ఉత్తర్వులతో ఊపిరి పీల్చుకున్నారు. హెచ్‌-1బీ వీసాదారుల్లో ఎక్కువ శాతం ఇండియా, చైనా వాళ్లే ఉన్నారు.