ప‌ది ప‌రీక్ష‌ల‌కు ఏపీ సై…

ముందుగా ప్రకటించిన షెడ్యూల్‌ ప్రకారమే పదో తరగతి పరీక్షలు నిర్వహిస్తామని ఆంధ్రప్రదేశ్‌ మంత్రి ఆదిమూలపు సురేశ్‌ స్పష్టం చేశారు. జులై 10 నుంచి యథావిధిగా పది పరీక్షలు జరుగుతాయన్నారు. అయితే క‌రోనా కేసుల వ్యాప్తి నేప‌ధ్యంలో విద్యార్థులు, ఉపాధ్యాయుల ఆరోగ్యం విషయంపై జాగ్రత్తలు తీసుకుంటామని వెల్లడించారు. దీంతో రాష్ట్ర‌వ్యాప్తంగా ప‌లు ర‌కాల సందేహాలు వ్య‌క్త‌మ‌వుతున్నాయి. ఈ ప‌రీక్ష‌ల  నిర్వ‌హ‌ణ సంద‌ర్భంగా క‌రోనా మ‌రోసారి త‌న ప్ర‌తాపం చూపే అవ‌కాశం లేక‌పోలేద‌ని ప‌లువురు ఆందోళ‌న చెందుతున్నారు. అత్యంత వ్య‌య  ప్ర‌యాస‌ల‌తో కూడుకున్న ప‌రీక్ష‌ల‌ను ఇప్పుడున్న ప‌రిస్థితుల్లో కోవిడ్ నిబంధ‌న‌ల‌కు అనుగుణంగా నిర్వ‌హించ‌డం అసాధ్య‌మ‌ని కొంద‌రు అభిప్రాయ‌ప‌డుతున్నారు. ఈ ప‌రీక్ష‌ల కార‌ణంగా పిల్ల‌ల్లో వైర‌స్ వ్యాప్తి చెందితే అది ప్ర‌భుత్వానికి చెడ్డ పేరు తేవడం ఖాయ‌మంటున్నారు. మ‌రోవైపు దీనిపై న్యాయ‌స్థానంలోనూ పిటిష‌న్లు దాఖ‌ల‌య్యే అవ‌కాశాలూ పుష్క‌లంగా క‌నిపిస్తున్నాయి. అదే జ‌రిగితే ఇది ప్ర‌భుత్వానికి మ‌రో న్యాయ‌ప‌ర‌మైన చిక్కులు తెచ్చిపెట్టే నిర్ణ‌యం కావ‌చ్చున‌ని విశ్లేష‌కులు భావిస్తున్నారు. దీనికి తాజాగా ప‌ది ప‌రీక్ష‌ల నిర్వ‌హ‌ణ‌కు సిద్ధ‌ప‌డ్డ‌ ప్ర‌భుత్వానికి హైకోర్టుకు మ‌ధ్య చోటు చేసుకున్న ప‌రిణామాలు ఉద‌హ‌రిస్తున్నారు. ఏదేమైనా… ఏపీలో మ‌రో ఆస‌క్తిక‌ర చ‌ర్చ‌కు ప‌ది ప‌రీక్ష‌లు దారి తీశాయి.