ఏపీలో పారిశ్రామిక అభివృద్ధికి అనుకూల వాతావరణం : మంత్రి లోకేశ్
- Published By: Saidulu
- October 20, 2026 / 07:14 AM IST
అల్ట్రాటెక్ ఆధ్వర్యంలో రూ. 2,650 కోట్లతో పెట్నికోట సిమెంట్ వర్క్స్ ప్రాజెక్ట్
నంద్యాలలో 14 నెలల్లోనే భూమి పూజ నుంచి ప్రారంభోత్సవం వరకు
అమరావతి: భారత దేశంలోని అతిపెద్ద సిమెంట్ కంపెనీ అయిన అల్ట్రాటెక్ సిమెంట్… ఆంధ్రప్రదేశ్ లో తన సామర్థ్యాన్ని పెట్నికోట సిమెంట్ వర్క్స్ తో విస్తరించింది. ఇది సుమారు రూ. 2,650 కోట్ల పెట్టుబడితో నిర్మించిన అత్యాధునిక సమీకృత సిమెంట్ ప్లాంట్. ఈ ప్లాంట్ రాయలసీమ ప్రాంతంలోని నంద్యాల జిల్లా, కొలిమిగుండ్ల మండలం, పెట్నికోట గ్రామంలో ఉంది.
ఈ ప్లాంట్ ప్రత్యక్షంగా 650 మందికి, పరోక్షంగా మరో 2,000 మందికి ఉపాధి కల్పిస్తుంది. దీనికి 3.3 మిలియన్ టన్నుల వార్షిక (MTPA) క్లింకరైజేషన్ సామర్థ్యం, 3.6 MTPA సిమెంట్ డిస్పాచ్ సామర్థ్యం ఉంది. ఈ ప్రాజెక్ట్ నిర్మాణం మే 2025లో ప్రారంభమై, రికార్డు స్థాయిలో పూర్తయింది.
ఐటీ, ఎలక్ట్రానిక్స్, మానవ వనరుల అభివృద్ధి శాఖ మంత్రి నారా లోకేష్ మాట్లాడుతూ “భూమి పూజ నుంచి ప్రారంభోత్సవం వరకు కేవలం 14 నెలల్లోనే పూర్తి చేయడం హర్షణీయం, భారతదేశంలోని అతిపెద్ద సిమెంట్ కంపెనీ అల్ట్రాటెక్, నంద్యాల జిల్లాలో రూ. 2,650 కోట్ల పెట్నికోట సిమెంట్ వర్క్స్ తో ఆంధ్రప్రదేశ్ లో తన సామర్థ్యాన్ని విస్తరించింది. ఇది జీరో భూగర్భ జలాల వినియోగంతో 100% గ్రీన్ ఎనర్జీతో నడిచేలా నిర్మించిన అత్యాధునిక ప్లాంట్. 2,650 ప్రత్యక్ష, పరోక్ష ఉద్యోగాలను సృష్టిస్తుంది. ఇదే ఏపీలో స్పీడ్ ఆఫ్ డూయింగ్ బిజినెస్‌కు ఉదాహరణ” అని అన్నారు.
గ్రీన్ ఎనర్జీ
– బ్యాటరీ నిల్వతో 35 మెగావాట్ల పవన, సౌర హైబ్రిడ్ విద్యుత్ వ్యవస్థ.
– 20 మెగావాట్ల వేస్ట్ హీట్ రికవరీ వ్యవస్థ
– క్యాప్టివ్ థర్మల్ పవర్ ప్లాంట్ లేకుండా 100% గ్రీన్ ఎనర్జీతో నడిచేలా రూపకల్పన.
సుస్థిరత
– పరిరక్షణ, రీసైక్లింగ్ ద్వారా జీరో భూగర్భ జలాల వినియోగం
– ప్లాస్టిక్, మున్సిపల్ వ్యర్థాలను ఉపయోగించే ప్రత్యామ్నాయ ఇంధన వ్యవస్థ.
– మైనింగ్, క్లింకర్ రవాణా కోసం ఎలక్ట్రిక్ వాహనాలు.
– కవర్ చేయబడిన ముడి పదార్థాల షెడ్లు, కార్యాచరణ ప్రాంతాల అంతటా కాంక్రీట్ రోడ్లు, విస్తృతమైన గ్రీన్ బెల్ట్
– స్లాగ్, ఫ్లై యాష్ ఉపయోగించి తయారు చేసిన కాంపోజిట్ సిమెంట్.
సాంకేతికత- నాణ్యత
– ఆటో-శాంప్లింగ్, విశ్లేషణతో పూర్తిగా ఆటోమేటెడ్ రోబోటిక్ లాబొరేటరీ.
– రియల్-టైమ్ ప్రాసెస్ ఆప్టిమైజేషన్ కోసం క్రాస్-బెల్ట్ ఎనలైజర్, ఆటోమేటిక్ హాట్ మీల్ అనాలిసిస్.
– శక్తి-సమర్థవంతమైన తక్కువ-పీడన సైక్లోన్లు, బర్నర్ వ్యవస్థ, కిల్న్, కూలర్, గ్రైండింగ్ మిల్లులు, ఆధునిక స్లాగ్ గ్రైండింగ్ మిల్లు.
– సజావుగా లాజిస్టిక్స్ కోసం RFID ఆధారిత వాహన ట్రాకింగ్, మ్యాన్-లెస్ వేయింగ్ బ్రిడ్జిలు.
– డిజిటల్ ఆటోమేషన్, పునరుత్పాదక ఇంధనం, సుస్థిర తయారీని మిళితం చేస్తూ, పెట్నికోట సిమెంట్ వర్క్స్ భారత దేశంలోని అత్యంత ఆధునిక, పర్యావరణ బాధ్యత కలిగిన సిమెంట్ ప్లాంట్లలో ఒకటిగా నిలవనుంది.
