సిలికానాంధ్ర ‘డా.హనిమిరెడ్డి లకిరెడ్డి భవన్’ దశాబ్ది సంబరాలు.. ఘనంగా పదేళ్ల ప్రస్థాన వేడుకలు!

ప్రవాసాంధ్రుల సాంస్కృతిక, విద్యా సంస్థ అయిన ‘సిలికానాంధ్ర’ (SiliconAndhra) చరిత్రలో మరో అద్భుతమైన మైలురాయిని అధిగమించింది. డా. హనిమిరెడ్డి లకిరెడ్డి గారి ఉదారత , స్థానిక కమ్యూనిటీ సహకారంతో నిర్మించిన సుందరమైన భవనంలో సరిగ్గా పదేళ్ల క్రితం (అక్టోబర్ 2, 2016న) గృహప్రవేశం నిర్వహించగా, ప్రస్తుతం ఆ చారిత్రక భవన ప్రవేశానికి 10 ఏళ్లు పూర్తయిన సందర్భంగా దశాబ్ది వేడుకలను ఘనంగా జరుపుకుంటున్నట్లు ఆనంద్ కూచిభొట్ల సోషల్ మీడియా వేదికగా పంచుకున్నారు.

సిలికానాంధ్ర విశ్వానికి కేంద్ర బిందువు ఈ భవనం
ఈ సందర్భంగా సిలికానాంధ్ర బృందం మాట్లాడుతూ.. ఇది కేవలం ఇటుకలు, సిమెంట్‌తో కట్టిన భవనం మాత్రమే కాదని, సిలికానాంధ్ర విశ్వానికి ఇది ఒక కేంద్ర బిందువు అని అన్నారు. గత పదేళ్ల కాలంలో ఈ ప్రాంగణంలో లెక్కలేనన్ని మధురమైన జ్ఞాపకాలను సృష్టించుకున్నామని, ఎన్నో సాంస్కృతిక , సేవా కార్యక్రమాలకు ఈ వేదిక నిలయమైందని గుర్తుచేసుకున్నారు.

జయహో సిలికానాంధ్ర నినాదంతో వేడుకలు
అక్టోబర్ 2, 2016 నుండి అక్టోబర్ 2, 2026 వరకు సాగిన ఈ దశాబ్ద కాలపు ప్రయాణంలో సహకరించిన ప్రతి ఒక్కరికీ కృతజ్ఞతలు తెలుపుతూ ‘జయహో సిలికానాంధ్ర!’ అంటూ నిర్వాహకులు , కమ్యూనిటీ సభ్యులు ఈ వేడుకను ఎంతో అంబరాన్నంటేలా జరుపుకుంటున్నారు. తెలుగు భాష, సంస్కృతి , కళల పరిరక్షణ కోసం ఈ భవనం వేదికగా మరిన్ని గొప్ప కార్యక్రమాలు నిర్వహిస్తామని ఈ సందర్భంగా ప్రతిజ్ఞ చేశారు.