సియాటిల్‌లో ఘనంగా మహాత్మా గాంధీ జయంతి వేడుకలు.. వాషింగ్టన్ తెలుగు సమితి ఆధ్వర్యంలో నివాళులు!

సియాటిల్ ప్రాంతంలోని భారతీయ-అమెరికన్ కమ్యూనిటీ అంతా కలిసి మహాత్మా గాంధీ జయంతి , అంతర్జాతీయ అహింసా దినోత్సవాన్ని అత్యంత ఘనంగా నిర్వహించుకున్నారు. వాషింగ్టన్ తెలుగు సమితి (WATS) తరఫున సియాటిల్‌లోని భారత కాన్సులేట్ జనరల్‌కు ప్రత్యేక కృతజ్ఞతలు తెలియజేశారు. శాంతి, అహింస, ఐక్యత , సేవాభావం అనే విలువలతో కమ్యూనిటీని ఒకతాటిపైకి తీసుకురావడంలో కాన్సులేట్ అందిస్తున్న మద్దతు ఎంతో కీలకమని పేర్కొన్నారు.

లావణ్య రెడ్డి నేతృత్వంలో విజయవంతమైన వేడుకలు
వాషింగ్టన్ ఫెడరేషన్ ఆఫ్ ఇండియన్ అమెరికన్ అసోసియేషన్స్, వాషింగ్టన్ తెలుగు సమితి (WATS), ఇండియా కమ్యూనిటీ అండ్ కల్చరల్ సెంటర్ అలాగే అనేక ఇతర భారతీయ-అమెరికన్ సంస్థలను ఒకే వేదికపైకి తీసుకురావడంలో విశేష కృషి చేసిన లావణ్య రెడ్డి గారి నాయకత్వానికి ప్రత్యేక ధన్యవాదాలు తెలిపారు. ఈ వేడుకలో పాల్గొన్న అన్ని భారతీయ సంఘాలు, కమ్యూనిటీ నాయకులు, వాలంటీర్లు , కుటుంబ సభ్యులకు నిర్వాహకులు తమ అభినందనలను తెలియజేశారు. అందరి సమక్షం మన భారతీయ-అమెరికన్ కమ్యూనిటీ బలాన్ని, వైవిధ్యాన్ని , ఐక్యతను చాటిచెప్పిందని కొనియాడారు.

గాంధీజీ ఆశయాల స్ఫూర్తి , భవిష్యత్ తరాలకు సందేశం
శాంతి, సత్యం, అహింస, కరుణ , సేవాభావం గురించి మహాత్మా గాంధీ అందించిన సందేశం తరతరాలకు స్ఫూర్తినిస్తూనే ఉంటుందని వక్తలు పేర్కొన్నారు. ఒక కమ్యూనిటీగా ఈ విలువలను మనం ముందుకు తీసుకెళ్తూ, మన పిల్లలకు , భావితరాలకు అందించాలని ఆకాంక్షించారు. మహాత్మా గాంధీని స్మరించుకుంటూ ఈ వేడుకలో పాల్గొని, మద్దతుగా నిలిచిన ప్రతి ఒక్కరికీ కృతజ్ఞతలు తెలిపారు. ఐక్యతలో, సేవలో, శాంతిలో ఎప్పుడూ కలిసే ఉందంటూ ‘జై హింద్’ నినాదంతో ఈ వేడుకను ముగించారు.