ఎట్టకేలకు యన్టీర్ అడవి రాముడు రిలీజ్ డేట్ ఫిక్స్ చేసాడట రాజమౌళి? ఆర్ఆర్ఆర్ రిలీజ్ అప్‌డేట్

45 ఏళ్ళ క్రితం యన్టీర్ అడవి రాముడు సృటించిన రికార్డ్స్ కేక పుట్టించాయి పక్క కమర్షియల్ మూవీ అయినా ఆ చిత్రం విడుదల తేదీ ఏప్రిల్ 28 ఆ తేదీకున్న పవర్ అలాంటిదేమో పోకిరి కూడా ఏప్రిల్ 28 రిలీజ్ అయి సెన్సేషన్ క్రియేట్ చేసిన విషయం తెలిసిందే! అయితే రాజమౌళి లేటెస్ట్ సెన్సేషన్ ఆర్ఆర్ఆర్ రిలీజ్‌పై రాజమౌళి ఓ క్లారిటీకి వచ్చారని తెలుస్తోంది. గతంలో ప్రకటించిన రెండు రిలీజ్ డేట్లలో ఒకటి ఫైనల్ చేశారని సమాచారం. రాజమౌళి సినిమా అంటే ఏళ్ల తరబడి నిరీక్షణ అవసరమే అనేది అందరికీ తెలుసు.

రిలీజ్ డేట్ కాదు అవుట్‌పుట్ ముఖ్యమని భావించే జక్కన్న.. విడుదల తేదీని వాయిదా అనే విషయాన్ని చాలా లైట్‌గా తీసుకుంటారు. అదే సమయంలో తన సినిమా పట్ల జనాల్లో క్యూరియాసిటీ పెంచుతూ హాట్ టాపిక్ చేస్తుంటారు. రాజమౌళి లేటెస్ట్ మూవీ ఆర్ఆర్ఆర్ విషయంలోనూ అదే సీన్ రిపీట్ అవుతోంది. ఈపాటికి ఎప్పుడో విడుదల కావాల్సిన ఈ భారీ సినిమా వాయిదాల పర్వం కొనసాగిస్తోంది. ఈ నేపథ్యంలో ఆర్ఆర్ఆర్ రిలీజ్ పై తాజాగా అప్‌డేట్ బయటకొచ్చింది. నిజానికి సంక్రాంతి కానుకగా ఆర్ఆర్ఆర్ మూవీ ప్రేక్షకుల ముందుంచాలని ఫిక్సయ్యారు జక్కన్న. ఈ మేరకు రిలీజ్ డేట్ అనౌన్స్ చేసి ప్రమోషన్స్ కూడా చేపట్టారు. కానీ అనూహ్యంగా మరోసారి కరోనా వీర విహారం చేయడంతో తప్పని పరిస్థితుల్లో వాయిదా వేశారు. అయితే తిరిగి ఎప్పుడొస్తామనే విషయాన్ని రీసెంట్‌గా అధికారికంగా తెలిపిన ఆయన, రెండు రిలీజ్ డేట్స్ అనౌన్స్ చేసి మరోసారి ఆర్ఆర్ఆర్ టాపిక్‌ని చర్చల్లో నిలిపారు. మార్చి 18, ఏప్రిల్ 28 ఈ రెండు తేదీల్లో ఒక తేదీని విడుదల తేదీగా ఫిక్స్ చేస్తామని రాజమౌళి ప్రకటించారు. తొలిసారి ఇలా ఒక సినిమాకు రెండు డేట్స్ అఫీషియల్‌గా ప్రకటించడం జనాల్లో హాట్ ఇష్యూ అయింది.

ఇదిలా ఉంటే తాజాగా ఈ రెండు డేట్స్‌లో ఒక డేట్ ఫైనల్ చేశారని తెలుస్తోంది. కాస్త లేట్ అయినా పర్ఫాలేదు గానీ ఏప్రిల్ 28నే ఈ మూవీ రిలీజ్ చేయాలని డిసైడ్ అయ్యారట రాజమౌళి. అప్పటివరకు కరోనా థర్డ్ వేవ్ పూర్తిగా తగ్గుముఖం పట్టి.. థియేట్రికల్ రిలీజ్‌కు ఎలాంటి ఇబ్బంది ఉండదని భావించే ఈ నిర్ణయానికి వచ్చారని టాక్.భారీ బడ్జెట్ కేటాయించి ఎన్టీఆర్, రామ్ చరణ్ హీరోలుగా ఆర్ఆర్ఆర్ రూపొందించారు. చిత్రంలో ఆలియా భట్, ఒలీవియా మోరిస్ హీరోయిన్లుగా నటించారు. ఇప్పటికే విడుదలైన అన్ని అప్‌డేట్స్ సినిమాపై భారీ హైప్ క్రియేట్ చేసి యావత్ సినీ లోకం దృష్టిని లాగేశాయి. ఈ సినిమాపై మెగా, నందమూరి ఫ్యాన్స్ పెట్టుకున్న అంచనాలు మాటల్లో చెప్పలేం.