శ్రుతి హాసన్కు కోవిడ్ పాజిటివ్
- Published By: techteam
- February 27, 2022 / 08:46 PM IST
ప్రముఖ హీరోయిన్ శ్రుతి హాసన్కు కోవిడ్ పాజిటివ్గా నిర్దారణ అయ్యింది. ఈ విషయాన్ని ఆమె తన సోషల్ మీడియా మాధ్యమం ద్వారా తెలియజేశారు. అన్నీ జాగ్రత్తలు తీసుకున్నప్పటికీ కోవిడ్ పాజిటివ్ వచ్చింది. ప్రస్తుతం హోం ఐసోలేషన్లో ఉన్నానని, త్వరలోనే మిమ్మల్ని కలుసుకుంటానని చెబుతూ శ్రుతి హాసన్ మెసేజ్ను షేర్ చేశారు. కరోనా థర్డ్ వేవ్లో సినీసెలబ్రిటీలు చాలా మంది కరోనా బారిన పడ్డారు. అందులో శ్రుతి హాసన్ తండ్రి కమల్ హాసన్ కూడా ఉన్నారు. కరోనా పరిస్థితులు చక్కబడ్డాయి అని అనుకున్న తర్వాత ఇప్పుడు మళ్లీ శ్రుతి హాసన్ కరోనా బారిన పడటం కాస్త ఇబ్బంది కరమైన పరిస్థితే. శ్రుతి హాసన్ అభిమానులు ఫాలోవర్స్ ఆమె త్వరగా కోలుకోవాలని కోరుకుంటూ మెసేజ్లు చేస్తున్నారు. శ్రుతి హాసన్ ఈ మధ్య కాలంలో వరుస సినిమాలతో బిజీగా మారింది. ప్రస్తుతం ఈమె తెలుగులో నందమూరి బాలకృష్ణ హీరోగా నటిస్తోన్న 107వ చిత్రంలో హీరోయిన్గా కనిపించనుంది. ఇవి కాకుండా ప్రభాస్ జోడీగా ప్రశాంత్ నీల్ దర్శకత్వంలో రూపొందుతోన్న సలార్ చిత్రంలోనూ కథానాయికగా నటిస్తోంది.
మైకేల్ కోర్సల్తో ప్రేమాయణం నడిపిన శ్రుతి హాసన్..అతనితో లవ్ బ్రేకప్ తర్వాత కొన్నాళ్లు పాటు సినిమాలకు దూరంగా ఉంది. కాస్త గ్యాప్ తీసుకుని మళ్లీ కెరీర్ను స్టార్ట్ చేసింది. తెలుగులో క్రాక్ సినిమాతో ఎంట్రీ ఇచ్చి బ్లాక్ బస్టర్ అందుకుంది. తర్వాత పవన్ కళ్యాణ్ వకీల్ సాబ్ చిత్రంలో హీరోయిన్గా నటిస్తోంది. అదే సమయంలో ప్రభాస్ మూవీ సలార్ చిత్రంలో, బాలకృష్ణ 107వచిత్రంలో అవకాశాలను అంది పుచ్చుకుంది. ప్రస్తుతం అమెజాన్ ప్రైమ్ లో స్ట్రీమింగ్ అవుతున్న ‘బెస్ట్ సెల్లర్’ వెబ్ సిరీస్ లో సంపంగి హీరో దీపక్ బజ్వా తో హీరోయిన్ గా నటించింది. ఒకవైపు శాంతను హాజరికాతో ప్రేమ, మరో వైపు సినిమాలను బ్యాలెన్స్ చేస్తూ కెరీర్ను ముందుకు తీసుకెళుతుంది శ్రుతి హాసన్.
