లోకేష్- బన్నీ కాంబోకు ఆలస్యమే బల‌మ‌వుతుందా?

అల్లు అర్జున్(allu arjun), లోకేష్ కనగరాజ్(lokesh kanagaraj) కాంబినేషన్‌పై ఎప్పటి నుంచో భారీ అంచనాలు ఉన్నాయి. బన్నీ(bunny)కి పెరిగిన పాన్ ఇండియా మార్కెట్, లోకేష్‌కు ఉన్న ప్రత్యేకమైన యాక్షన్ బ్రాండ్ కలవడంతో ఈ ప్రాజెక్ట్‌పై ఫ‌స్ట్ అనౌన్స్‌మెంట్ నుంచే హైప్ ఏర్పడింది. అయితే అనౌన్స్‌మెంట్ వచ్చిన వెంటనే షూటింగ్ మొదలయ్యే పరిస్థితి కనిపించడం లేదు. ప్రస్తుతానికి సినిమా ఆగిపోయిందనే ప్రచారం వినిపిస్తున్నప్పటికీ, అసలు కారణం మాత్రం ప్రాజెక్ట్‌ను మరింత పకడ్బందీగా రెడీ చేసే ప‌నిలో టీమ్ బిజీగా ఉన్న‌ట్టు టాక్ వినిపిస్తోంది.

ముఖ్యంగా లోకేష్ ఇంకా అల్లు అర్జున్‌కు ఫుల్ లెంగ్త్ నరేషన్ ఇవ్వాల్సి ఉందని తెలుస్తోంది. కథ, పాత్రలు, యాక్షన్ స్కేల్, ట్రీట్‌మెంట్ వంటి అంశాలపై ఇద్దరికీ పూర్తి క్లారిటీ వచ్చిన తర్వాతే సినిమాను ముందుకు తీసుకెళ్లాలని భావిస్తున్నట్టు సమాచారం. ఇలాంటి భారీ కాంబినేషన్‌కు ప్రీ ప్రొడక్షన్ దశ ఎంత కీలకమో ప్రత్యేకంగా చెప్పాల్సిన అవసరం లేదు. అందుకే ప్రస్తుతం కనిపిస్తున్న ఆలస్యం నిజానికి సినిమాకు ప్లస్ అయ్యే అవకాశం ఉందనే అభిప్రాయాలు కూడా వ్యక్తమవుతున్నాయి.

బన్నీ కెరీర్‌లో ఇది 23వ ప్రాజెక్ట్ కావడంతో అభిమానుల్లోనూ అంచనాలు మరింత ఎక్కువగా ఉన్నాయి. మరోవైపు లోకేష్ కూడా తన సినిమాలకు ప్రత్యేకమైన ప్రపంచాన్ని, స్ట్రాంగ్ క్యారెక్ట‌ర్ల‌ను బిల్డ్ చేయ‌డంలో పేరున్న దర్శకుడు. ఈ నేపథ్యంలో ఇద్దరి స్థాయికి సరిపోయే కథను రెడీ చేయడానికి టైమ్ తీసుకోవడం సహజమేననే మాట వినిపిస్తోంది. కాబట్టి ప్రస్తుత సస్పెన్స్‌ను ప్రాజెక్ట్‌కు బ్రేక్‌గా కాకుండా, మరింత బలమైన అవుట్‌పుట్ కోసం జరుగుతున్న ప్రిపరేషన్‌గా చూడాలనే చర్చ మొదలైంది.