శృంగార తార డేనియల్స్ కు షాక్ …. డొనాల్డ్ ట్రంప్ కు రూ.కోటి చెల్లించండి

శృంగార తార స్టార్మీ డేనియల్స్‌ అనైతిక ఆర్థిక ఒప్పందం కేసులో అమెరికా మాజీ అధ్యక్షుడు డొనాల్డ్‌ ట్రంప్‌ అరెస్టై, విడుదలైన విషయం తెలిసిందే. అనైతిక ఆర్థిక ఒప్పందం కేసులో ఆయనపై నమోదైన అభియోగాలపై న్యూయార్క్‌ కోర్టులో విచారణ జరుగుతోంది. ఇదే సమయంలో ట్రంప్‌ పై వేసిన పరువునష్టం కేసులో మాత్రం డేనియల్స్‌కు మరోసారి చుక్కెదురయ్యింది. కాలిఫోర్నియాలోని 9వ యూఎస్‌ సర్క్యూట్‌ కోర్ట్‌ ఆఫ్‌ అప్పీల్స్‌ డేనియల్స్‌ వాదనను తోసిపుచ్చింది. దీంతో కోర్టు ఫీజులో భాగంగా ట్రంప్‌ తరపు న్యాయవాదులకు లక్షా 20 వేల డాలర్లు ( సుమారు రూ.కోటి) చెల్లించాలని న్యాస్థానం ఆదేశించింది. మన్‌హటన్‌ న్యాయస్థానంలో ట్రంప్‌ హాజరైన రోజే మరో కోర్టులో ఆయనకు అనుకూలంగా ఈ తీర్పు రావడం గమనార్హం.