వైట్‍హౌస్‍ చీఫ్ ఆఫ్ స్టాఫ్‍గా రాన్‍ క్లెయిన్

అమెరికా అధ్యక్షుడిగా ఎన్నికైన బైడెన్‍ పాలనా అధికారుల నియామకంపై కసరత్తు చేస్తున్నారు. తనకు అత్యంత సన్నిహితుడిగా ఉన్న రాన్‍ క్లెయిన్‍కు అత్యంత శక్తిమంతమైన పదవిని అప్పగించారు. వైట్‍హౌస్‍ చీఫ్‍ ఆఫ్‍ స్టాఫ్‍గా ఆయనను నియమిస్తూ బైడెన్‍ కార్యాలయం ఒక ప్రకటన విడుదల చేసింది. వైట్‍ హౌస్‍ చీఫ్‍ ఆఫ్‍ స్టాఫ్‍ అత్యంత బాధ్యతాయుతంగా వ్యవహరించాలి. అగ్రరాజ్య అధ్యక్షుడు రోజు వారీ కార్యక్రమాల్ని చూడాలి. ఆయనను అధ్యక్షుడి గేట్‍ కీపర్‍ అని పిలుస్తారు. ప్రభుత్వం ఎదుర్కోబోయే సవాళ్లను సమర్థంగా ఎదుర్కొనే ఇతర సిబ్బంది నియామకంలో కీలకంగా వ్యవహరించాల్సి ఉంటుంది.