America : అమెరికాలో ఓపీటీ రద్దుకు చట్టసభలో బిల్లు

అమెరికాలో పని అనుభవాన్ని పొందడానికి విదేశీ విద్యార్థులను అనుమతించే ఆప్షనల్‌ ప్రాక్టికల్‌ ట్రైనింగ్‌ (ఓపీటీ) ప్రోగ్రాంను తొలగించే బిల్లును అక్కడి చట్ట సభలో ప్రవేశపెట్టారు. దీంతో అక్కడ విదేశీ విద్యార్థుల్లో పెద్ద ఎత్తున ఆందోళన వ్యక్తమవుతోంది. కాంగ్రెస్‌ సభ్యుడు పాల్‌ గోసర్‌ (Paul Gosar) ఈ బిల్లును ప్రవేశపెట్టారు. విద్యార్థి వీసా (Student visa )లపై అమెరికాలో చదువుకునేందుకు వస్తున్న ఏటా లక్ష మంది విదేశీయులు ఓపీటీ (OPT) కింద నమోదు చేసుకొని విద్యాభ్యాసం అయిపోయాక కూడా ఇక్కడే మూడేళ్ల పాటు ఉంటున్నారు. దురాశపరులైన ఇక్కడి వ్యాపారులు నైపుణ్యం,  ఉన్నత విద్యావంతులైన అమెరికన్లను కాదని చవకగా వస్తున్న విదేశీ విద్యార్థులకే ఉద్యోగాలు ఇస్తున్నారు. ఓపీటీ విధానం విదేశీ  కార్మికులకునే ప్రోత్సహిస్తోంది అని బిల్లులో పేర్కొన్నారు. అయితే ఈ బిల్లు సెనెట్‌లో ఆమోదం పొందే అవకాశం లేదని, ఈ బిల్లు ఆమోదానికి కావాల్సిన సంఖ్యాబలం రిపబ్లికన్ల (Republicans) కు లేదని ఇమిగ్రేషన్‌ న్యాయవాదులు అంటున్నారు.