వారే ఆర్థిక వ్యవస్థను బలోపేతం చేయడంలో కీలక పాత్ర : జో బైడెన్

అమెరికా ఆర్థిక వ్యవస్థ బలపడడంలో విదేశాల నుంచి వస్తున్న వలసదారులది ముఖ్య పాత్ర అని అధ్యక్షుడు జో బైడెన్‌ అన్నారు. ఆసియా అమెరికన్లు సహా అక్కడ స్థిరపడ్డ విదేశీ కమ్యూనిటీలు ఏర్పాటు  చేసిన విరాళాల సేకరణ కార్యక్రమంలో బైడెన్‌ మాట్లాడారు. వలసవిధానాన్ని ప్రోత్సహించని దేశాల్లో వృద్ధి నెమ్మదిగా సాగుతోందని పేర్కొన్నారు. చైనా, జపాన్‌, భారత్‌ వంటి దేశాలు వలసదారులను ఆహ్వానించే విషయంలో వెనకబడ్డాయని అభిప్రాయపడ్డారు. అందుకే ఆయా దేశాల ఆర్థిక వ్యవస్థలు ఒడుదొడుకులు ఎదుర్కొంటున్నాయని తెలిపారు.  అమెరికా ఎప్పుడూ విదేశీయులను సాదరంగా ఆహ్వానిస్తుందని తెలిపారు.