శాస్త్రవేత్తల ఏళ్ల పరిశోధనను… AI రోజుల్లో పూర్తి చేసిందా?

 Alibaba DAMO Academy: ప్రపంచాన్ని మార్చే మరో అడుగు వేసింది AI. చైనాకు చెందిన Alibaba DAMO Academy అభివృద్ధి చేసిన స్వతంత్రంగా పనిచేసే AI ఏజెంట్ నాలుగు కొత్త సూపర్‌కండక్టర్లను గుర్తించింది. మరో అంతర్జాతీయ పరిశోధన బృందం కూడా మెషిన్ లెర్నింగ్ సహాయంతో మరో రెండు కొత్త సూపర్‌కండక్టింగ్ మెటీరియల్స్‌ను కనుగొంది.

సూపర్‌కండక్టర్లు అంటే విద్యుత్‌ను దాదాపు ఎలాంటి శక్తి నష్టం లేకుండా ప్రవహింపజేసే ప్రత్యేక పదార్థాలు. ఇవి క్వాంటమ్ కంప్యూటర్లు, MRI స్కానర్లు, మాగ్‌లెవ్ రైళ్లు, భవిష్యత్ విద్యుత్ వ్యవస్థల అభివృద్ధిలో కీలక పాత్ర పోషిస్తాయి.

కొత్త సూపర్‌కండక్టర్లను కనుగొనడం సాధారణ విషయం కాదు. లక్షలాది పదార్థాల కలయికలను పరిశీలించి, ప్రయోగశాలలో పరీక్షించాల్సి ఉండటంతో ఈ ప్రక్రియకు తరచూ ఏళ్ల నుంచి దశాబ్దాల వరకు సమయం పడుతుంది. అలాంటి పరిశోధనను AI గణనీయంగా వేగవంతం చేయగలదని తాజా అధ్యయనాలు సూచిస్తున్నాయి.