తెలంగాణలో కొత్తగా 4,009 కేసులు

తెలంగాణ రాష్ట్రంలో కరోనా మహమ్మారి చాపకింద నీరులా వ్యాపిస్తోంది. రాష్ట్రంలో 83,089 మందికి కరోనా నిర్థారణ పరీక్షలు నిర్వహించగా, కొత్తగా 4,009 పాజిటివ్‍ కేసులు నమోదయ్యాయి. దీంతో ఇప్పటి వరకు నమోదైన కరోనా కేసుల సంఖ్య 3,55,433కి చేరింది. ఈ మేరకు వైద్య ఆరోగ్యశాఖ బులిటెన్‍ విడుదల చేసిది. రాష్ట్రంలో నిన్న కరోనాతో 14 మంది మరణించారు. దీంతో ఇప్పటి వరకు మృతిచెందిన వారి సంఖ్య 1,838కి చేరింది. కరోనా నుంచి 1,878 మంది కోలుకున్నారు. రాష్ట్రంలో ఇప్పటి వరకు కోలుకున్న వారి సంఖ్య 3,14,441కి చేరింది. ప్రస్తుతం రాష్ట్రంలో 39,154 యాక్టివ్‍ కేసులు ఉన్నాయని వైద్య ఆరోగ్యశాఖ తెలిపింది. కొత్తగా నమోదైన పాజిటివ్‍ కేసుల్లో అత్యధికంగా జీహెచ్‍ఎంసీ పరిధిలో 705 ఉండగా, మేడ్చల్‍ మల్కాజిగిరిలో 363, నిజామాబాద్‍లో 360, రంగారెడ్డిలో 336, సంగారెడ్డిలో 264 చొప్పున కేసులు నమోదయ్యాయి.