మంత్రి కేటీఆర్ కు మరో ప్రతిష్టాత్మక ఆహ్వానం

తెలంగాణ రాష్ట్ర ఐటీ, పరిశ్రమల శాఖ మంత్రి కేటీఆర్‌కు మరో ప్రతిష్ఠాత్మక సదస్సుకు ఆహ్వానం అందింది. సెప్టెంబర్‌ 14న జర్మనీలోని బెర్లిన్‌ నగరంలో నిర్వహించే గ్లోబల్‌ ట్రేడ్‌ అండ్‌ ఇన్నోవేషన్‌ పాలసీ అలయెన్స్‌ వార్షిక శిఖరాగ్ర సదస్సులో పాల్గొనాలని ఆయనను కోరారు. ఇందులో భాగంగానే శాస్త్ర, సాంకేతికరంగ  విధానం కోసం పనిచేస్తున్న ప్రపంచ నిపుణులతో ఇన్ఫర్మేషన్‌ టెక్నాలజీ అండ్‌ ఇన్నోవేషన్‌ ఫౌండేషన్‌ మంత్రి కేటీఆర్‌ను ఆహ్వానించింది. అధునాతన సాంకేతిక రంగాలకు సంబంధించి స్వదేశీ, విదేశీ పెట్టుబడుల సాధనలో తెలంగాణ రాష్ట్రం సాధించిన విజయాలు, సామాజిక, ఆర్థిక సవాళ్లను ఎదుర్కోవడంలో డిజిటల్‌ టెక్నాలజీ  విస్తరణపై ప్రజెంటేషన్‌ ఇవ్వాలని మంత్రి కేటీఆర్‌కు ఐటీఐఎఫ్‌ ఉపాధ్యక్షుడు స్టీఫెన్‌ ఎజెల్‌ కోరారు.