Governor : శుభకార్యాలకు వెళ్లినప్పుడు బొకేలు కాదు.. ఇవి ఇవ్వండి

ఏవైనా శుభకార్యాలకు వెళ్లినప్పుడు అందరూ బొకేల (Bouquet )కు బదులుగా మంచి పుస్తకాలు (Books)  ఇవ్వాలని తెలంగాణ గవర్నర్‌ జిష్ణుదేవ్‌ వర్మ (jishnu dev varma)  సూచించారు. హైదరాబాద్‌లోని ఎన్టీఆర్‌ స్టేడియంలో ఏర్పాటు చేసిన బుక్‌ ఫెయిర్‌ (Book Fair )ను గవర్నర్‌  సందర్శించారు. ఈ సందర్భంగా ఆయన మాట్లాడుతూ పుస్తకాల్లో అనంతమైన జ్ఞానం ఉందన్నారు. పుస్తకాలను నమిలి మింగేసేంత క్షుణ్ణంగా చదవాలని సూచించారు.  ఈ-బుక్స్‌లలో కంటే పుస్తకాల్లోనే ఎక్కువ మజా ఉంటుందని తెలిపారు. పుస్తకాలు చదువుతుంటే రచయితతో నేరుగా మాట్లాడుతున్నట్లుగా ఉంటుందన్నారు. విశ్వం గురించి తెలియాలంటే పుస్తకాలు చదవాల్సిందేనని తెలిపారు. నిరక్షరాస్యులకు ఆడియో బుక్స్‌ కూడా అందుబాటులో వచ్చాయని గుర్తు చేశారు. నేటి యువత పుస్తకాల వైపు మళ్లేలా పెద్దలు ప్రోత్సహించాలని తెలిపారు.