Kesineni Chinni: తాడేపల్లి నుంచి లిక్కర్ స్కాం?: కసిరెడ్డి రాజ్‌పై చిన్ని ఆరోపణలు..

విజయవాడ రాజకీయాల్లో కేశినేని (Kesineni) కుటుంబం మధ్య మంటలు మళ్లీ ఎగిసిపడుతున్నాయి. మాజీ ఎంపీ కేశినేని నాని (Kesineni Nani) చేసిన ఆరోపణలతో వ్యవహారం రసవత్తరంగా మారింది. ముఖ్యంగా ఏపీ మద్యం కుంభకోణంలో (AP Liquor Scam) కసిరెడ్డి రాజ్ (Kasireddy Raj) అనే వ్యక్తితో సంబంధాలపై నాని వేసిన ఆరోపణలు కలకలం రేపుతున్నాయి. దీనిపై ప్రస్తుతం ఎంపీగా ఉన్న కేశినేని చిన్ని (Kesineni Chinni) స్పందించారు. రాజ్‌తో తనకు పరిచయం ఉందని, నలుగుసార్లు కలిశానని చెబుతూ ఇద్దరం కలిసి వ్యాపార సంబంధాలు ఏర్పరుచుకునే ఆలోచన చేశామని పేర్కొన్నారు. ఆ వ్యాపారం అభివృద్ధికి ఆరు నెలలపాటు ఖర్చు కూడా తానే భరించానని చెప్పారు.

అయితే, రాజ్ కసిరెడ్డికి సీఎం జగన్‌(Jagan) తో ఉన్న సాన్నిహిత్యం, అతని వ్యవహారశైలి చూసి తాను వెనక్కి తగ్గినట్టు చిన్ని వెల్లడించారు. తన పెట్టుబడులు వదులుకొని ఆయనతో సంబంధం తెంచుకున్నానని తేల్చిచెప్పారు. కానీ ఇప్పుడీ వ్యవహారాన్ని నాని జగన్‌కు అనుకూలంగా మార్చి తనపై మచ్చ వేసే ప్రయత్నం చేస్తున్నారని మండిపడ్డారు. లక్షల కోట్ల లిక్కర్ కుంభకోణాన్ని మళ్ళించేందుకు కుట్ర జరుగుతోందని ఆరోపించారు. ఇందులో భాగంగానే హైదరాబాద్‌లో ఐదుగురు కీలక నేతలు సమావేశమైనట్లు సమాచారం ఉందన్నారు. ఆ సమావేశంలో పాలేరుగా పేరున్న వ్యక్తి సహా పలువురు ఉన్నారని చెప్పారు.

రాజ్ కసిరెడ్డికి తాడేపల్లి ప్యాలెస్‌లో (Thadepalli Palace) ప్రాధాన్యత ఉందని, అక్కడ ప్రవేశం కొందరికి మాత్రమే ఉన్నదని అన్నారు. ఈ ప్యాలెస్ నుంచే లిక్కర్ స్కాంలో కీలకంగా వ్యవహరించారని అభిప్రాయపడ్డారు. తనపై వస్తున్న ఆరోపణలపై విచారణ జరిపించాలని కోరుతూ సీబీఐకి లేఖ రాయబోతున్నట్లు చెప్పారు. ఇందుకు అవసరమయ్యే ఖర్చులు కూడా తానే భరించనున్నట్లు పేర్కొన్నారు. తన కుటుంబానికి చెందిన కంపెనీలు అన్ని చట్టబద్ధంగానే నడుస్తున్నాయని అన్నారు.

ఇదిలా ఉంటే జగన్‌ రూ.3600 కోట్లు దోచేశారని ఆరోపించిన చిన్ని, ఆయన కూడా సీబీఐ విచారణకు సిద్ధమా అని ప్రశ్నించారు. జగన్‌కు, నానికి 24 గంటలు గడువు ఇస్తున్నానని, తనపై చేసే ఆరోపణలు నిజమైతే ఆధారాలతో బయటపెట్టాలని డిమాండ్ చేశారు. మొత్తంగా, ఈ వివాదం కేశినేని కుటుంబం మధ్య విభేదాలను నెగుడుతున్నదే కాకుండా, రాష్ట్ర రాజకీయాలను కూడా వేడి చేస్తోంది. చిన్ని చేసిన వ్యాఖ్యలు, ఆయన వేసిన సవాళ్లు ఇప్పుడు ఏపీ రాజకీయాల్లో హాట్ టాపిక్ అయ్యాయి.