Google: గూగుల్‌తో ఏపీ ప్రభుత్వం చారిత్రక ఒప్పందం

విశాఖలో 1 గిగావాట్‌ హైపర్‌ స్కేల్‌ డేటా సెంటర్‌ ఏర్పాటుపై ఆంధ్రప్రదేశ్‌ ప్రభుత్వం ఢల్లీిలో గూగుల్‌ (Google) తో ఒప్పందం కుదర్చుకుంది. ఈ కార్యక్రమంలో ముఖ్యమంత్రి చంద్రబాబు (Chandrababu) , కేంద్ర మంత్రులు నిర్మలా సీతారామన్‌ (Nirmala Sitharaman) , అశ్వినీ వైష్ణవ్‌, రాష్ట్ర మంత్రి నారా లోకేశ్‌, గూగుల్‌ క్లౌడ్‌ సీఈఓ థామస్‌ కురియన్‌ (Thomas Kurien) , గ్లోబల్‌ ఇన్‌ఫ్రాస్ట్రక్చర్‌ వైస్‌ ప్రెసిడెంట్‌ బికాస్‌ కోలే, గూగుల్‌ క్లౌడ్‌  ఆసియా ఫసిఫిక్‌ విభాగం అధ్యక్షుడు కరణ్‌ బజ్వాలు పాల్గొన్నారు. వైజాగ్‌ను ఏఐ సిటీగా మార్చేందుకు పునాది వేసే ఈ ప్రాజెక్టు ద్వారా సుమారు 15 బిలియన్‌ అమెరికన్‌ డాలర్ల పెట్టుబడి  పెట్టనుంది.  ఆసియాలో ఆ సంస్థ ఏర్పాటు చేస్తున్న అతిపెద్ద ప్రాజెక్టు ఇదే. ఈ ప్రాజెక్టు ద్వారా 2028-32 మధ్య రాష్ట్ర స్థూల ఉత్పత్తికి ఏటా 10,518 కోట్లు సమకూరుతుందని, 1,88,220 ఉద్యోగాల  కల్పనకు అవకాశం ఏర్పడుతుందని అంచనా. గూగుల్‌ క్లౌడ్‌ ఆధారిత కార్యక్రమాల ద్వారా ఏటా రూ.9,553 కోట్ల చొప్పున ఐదేళ్లలో రూ.47,720 కోట్ల ఉత్పాదకత జరుగుతుందని  అంచనా వేస్తున్నారు.