Google: విశాఖకు గూగుల్‌ .. సీఎం చంద్రబాబు ప్రకటన

విశాఖకు వచ్చే నెలలో గూగుల్‌ (Google)  రానుందని ఆంధ్రప్రదేశ్‌ ముఖ్యమంత్రి చంద్రబాబు (Chandrababu)  ప్రకటించారు. కలెక్టర్ల సమావేశంలో చంద్రబాబు మాట్లాడుతూ ఇప్పటికే టీసీఎస్‌ (TCS)  విశాఖలో కేంద్రాన్ని  ఏర్పాటు చేస్తోందన్నారు. ఆర్సెలార్‌ మిత్తల్‌ ఉక్కు కర్మాగారం త్వరలో ఏర్పాటు కానుందని పేర్కొన్నారు.  కూటమి ప్రభుత్వం వచ్చాక ఉత్తరాంధ్ర,రాయలసీమ ప్రాంతాలు అభివృద్ధిలో పోటీ  పడుతున్నాయన్నారు. రాయసీమలో కడప ఉక్కు కర్మాగారం, కొప్పర్తి, ఓర్వకల్లులో పరిశ్రమలను అభివృద్ధి చేస్తున్నాం. రాబోయే రోజుల్లో అనంతపురంలోని లేపాక్షి (Lepakshi) – కర్నూలులోని ఓర్వకల్లు  మధ్య ప్రాంతం భారీ ఇండస్ట్రియల్‌ హబ్‌గా మారుతుంది. లాజిస్టిక్‌ కార్పొరేషన్‌ ద్వారా పోర్టులు, విమానాశ్రయాల మద్య రోడ్డు నెట్‌వర్క్‌ అభివృద్ధి చేయాలి. ప్రతి 50 కి.మీ.కు ఒక పోర్టు  కానీ, నౌకల తయారీ కేంద్రం కానీ లేదా ఫిషింగ్‌ హార్బర్‌ కానీ ఏర్పాటు చేయాలి. వీటితో పాటు కొత్త విమానాశ్రయాల నిర్మాణంతో అక్కడికి సమీపంలో ఉన్న ప్రాంతం ఎనకమిక్‌ హబ్‌గా  మారుతుంది అని పేర్కొన్నారు.