ఆ వజ్రాన్ని వెనక్కు ఇచ్చేయాలి

క్వీన్‌ ఎలిజబెత్‌-2 మరణంతో కోహినూర్‌ అంశం మళ్లీ తెరపైకి  వచ్చింది. 105 క్వారెట్ల అత్యంత విలువైన ఈ వజ్రాన్ని వెనక్కి ఇచ్చేయాలంటూ భారత్‌లో పెద్ద ఎత్తున డిమాండ్లు వినిపిస్తున్నాయి. కోహినూర్‌ను ఇకనైనా స్వదేశానికి అప్పగించాలంటూ నెటిజన్లు సోషల్‌ మీడియాలో పోస్టులు పెడుతున్నారు. కోహినూర్‌ అంటే వెలుగులో కొండ అని అర్థం. 14 శతాబ్దం ఆరంభంలో దక్షిణ భారతదేశంలో తవ్వకాల్లో లభించినట్లు చరిత్రలో నమోదయ్యింది. తర్వాత పలువురు రాజులు, చక్రవర్తుల చేతులు మారుతూ వచ్చింది. చివరకు బ్రిటిష్‌ రాణి కిరీటంలోకి చేరింది.  కోహినూర్‌ తమదేనంటూ భారత్‌, పాకిస్థాన్‌, ఇరాన్‌, అఫ్గానిస్తాన్‌ దేశాలు వాదిస్తున్నాయి. వజ్రానికి అసలు హక్కదారులు ఎవరన్నదానిపై శతాబ్దాలుగా వివాదం కొనసాగుతోంది. ఇప్పుడు బ్రిటన్‌ రాణి మృతి చెందారంటూ కాబట్టి కోహినూర్‌ను భారత్‌కు అప్పగించాలని జనం డిమాండ్‌ చేస్తున్నారు.