Bihar: ఎస్సీ/ఎస్టీ అక్రమ కేసుల వేధింపులకు తండ్రి బలి.. తల్లికి సర్జరీ.. ఏమైదంటే..

Bihar: ఎస్సీ/ఎస్టీ అట్రాసిటీ యాక్ట్ కింద నమోదవుతున్న కొన్ని తప్పుడు కేసులు నిర్దోషుల ప్రాణాలను బలితీసుకుంటున్నాయనే ఆవేదనకు బీహార్ వేదికైంది. తన కుటుంబానికి జరిగిన అన్యాయాన్ని వివరిస్తూ ఒక యువకుడు బీహార్ ఉప ముఖ్యమంత్రి విజయ్ సిన్హా వద్ద కన్నీరుమున్నీరయ్యాడు.

ఘటన వివరాలు: బిహార్‌కు చెందిన ఒక యువకుడు డిప్యూటీ సీఎం విజయ్ సిన్హాను కలిసి తన గోడు వెళ్లబోసుకున్నాడు. ఎస్సీ/ఎస్టీ యాక్ట్ కింద తన కుటుంబంపై పెట్టిన తప్పుడు కేసుల వల్ల ఎదురైన వేధింపులను తట్టుకోలేక తన తండ్రి గుండెపోటుతో (Heart Attack) మరణించారని ఆ యువకుడు ఆవేదన వ్యక్తం చేశాడు. అంతేకాకుండా, అదే ఒత్తిడి కారణంగా తన తల్లికి కూడా తీవ్ర అనారోగ్యం పాలై ఓపెన్ హార్ట్ సర్జరీ జరిగిందని తెలిపాడు.

సదరు వ్యక్తులు తన తల్లిని, భార్యను అసభ్య పదజాలంతో దూషించడమే కాకుండా, యాక్ట్ పేరుతో నిరంతరం బెదిరింపులకు పాల్పడుతున్నారని సదరు యువకుడు వాపోయాడు. దీనికి సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.

మంత్రి స్పందన: యువకుడి ఫిర్యాదును అత్యంత సీరియస్‌గా తీసుకున్న ఉప ముఖ్యమంత్రి విజయ్ సిన్హా తక్షణమే స్పందించారు. ఈ ఘటనపై సమగ్ర విచారణ జరిపి నివేదిక సమర్పించాలని సంబంధిత జిల్లా ఎస్పీ (SP) ని ఆదేశించారు.

ఈ సందర్భంగా మంత్రి మాట్లాడుతూ.. “ఎస్సీ/ఎస్టీల రక్షణ కోసం రాజ్యాంగం కల్పించిన ఈ చట్టం వారిని ఆదుకోవడానికి ఉండాలి కానీ, అమాయకులను వేధించడానికి ఆయుధంగా మారకూడదు. చట్టం మిస్‌యూజ్ కాకుండా చూడాల్సిన బాధ్యత అధికారులపై ఉంది” అని స్పష్టం చేశారు. తప్పుడు కేసులతో ప్రాణాలు తీసే స్థాయికి వెళ్లిన వారిపై కఠిన చర్యలు తీసుకోవాలని ఆయన సూచించారు.