అమెరికాతో అణు చర్చలకు.. తమకు ఆసక్తి లేదు

అమెరికాతో అణు చర్చలను పున ప్రారంభించే ఉద్దేశం తమకు ఎంతమాత్రం లేదని ఉత్తర కొరియా విదేశాంగ మంత్రి రి సన్‍ గ్వాన్‍ తేల్చిచెప్పారు. అమెరికాతో చర్చలపై తమకు ఆసక్తి లేదని పేర్కొన్నారు. ఇప్పటికిప్పుడు అమెరికాతో సంబంధాలు పెంపొందిచుకోవాలన్న ఆలోచన తమకు లేదని పేర్కొన్నారు. తమతో మళ్లీ చర్యలు మొదలుపెట్టాలని అమెరికా గనుక భావిస్తే తీవ్ర ఆశాభంగం తప్పదని ఉత్తర కొరియా నియంత కిమ్‍ జోంగ్‍ ఉన్‍ సోదరి కిమ్‍ యో జోంగ్‍ స్పష్టం చేశారు.  సంప్రదింపులు మళ్లీ మొదలయ్యే అవకాశం ఉందంటూ అమెరికా, దక్షిణ కొరియా అధికారులు ఇటీవల కాలంలో ఆశాభావం వ్యక్తం చేస్తున్నారు. వారి ఆశలపై రి సన్‍ గ్వాన్‍ నీళ్లు చల్లారు. 2019లో అమెరికాతో అణు చర్చలు అర్ధాంతరంగా నిలిచిపోయిన సంగతి తెలిసిందే.