క్వీన్ ఎలిజబెత్ తో లిజ్ ట్రస్ భేటీ

బోరిస్‌ జాన్సన్‌ రాజీనామా తర్వాత బ్రిటన్‌ తదుపరి ప్రధానమంత్రిగా లిజ్‌ ట్రస్‌ అధికారికంగా నియమితులయ్యారు. స్కాట్లాండ్‌లోని బాల్మోరల్‌ ఎస్టేట్‌లో బ్రిటన్‌ రాణి ఎలిజబెత్‌-2ను లిజ్‌ కలిశారు. క్వీన్‌ ఎలిజబెత్‌ 70 ఏళ్ల పాలనలో సంప్రదాయనికి విరుద్ధంగా, తొలిసారి లండన్‌లోని బకింగ్‌హోమ్‌ ప్యాలెస్‌లో కాకుండా బాల్మోరల్‌లో అధికార మార్పిడి జరిగింది. కొత్త ప్రభుత్వాన్ని ఏర్పాటు చేయమని లిజ్‌ ట్రస్‌ను క్వీన్‌ అభ్యర్థించారు. ఈ అభ్యర్థనను లిజ్‌ ట్రస్‌ అంగీకరించారు అని బకింగ్‌హోమ్‌ ప్యాలెస్‌ ఒక ప్రకటనలో తెలిపింది. 1985లో విక్టోరియా రాణిసింహాసనంపై ఉన్నప్పుడు బాల్మోరల్‌లో చివరిసారిగా అధికారం అప్పగించబడింది. సాధారణంగా మాజీ, కొత్త ప్రధానమంత్రి సెంట్రల్‌ లండన్‌లోని బకింగ్‌ హామ్‌ ప్యాలెస్‌ లో రాణిని కలుసుకుంటారు. విన్‌స్టన్‌ చర్చిల్‌ తన తండ్రి కింగ్‌ జార్జ్‌ మరణానంతరం హీత్ర విమాన శ్రయంలో కొత్త రాణిని కలిసిన 1952 నుండి లండన్‌ వెలుపల ఒకసారి మాత్రమే నిర్వహించబడింది.