అమెరికాలో విచిత్ర ఘటన…

యుక్తవయసులో అబ్బాయిలు సాధారణంగా ఒక అమ్మాయిని చూసి ఇష్టపడటం సహజం. కానీ మీరు మనసారా కోరుకున్న అమ్మాయి మీ రక్తసంబంధమని తెలిస్తే. ఇంకేమైనా ఉందా? ఇదిగో అచ్చంగా ఇలాంటి విచిత్ర ఘటన అమెరికాలో జరిగింది. 24 ఏళ్ల జెప్‌కు ప్రేమించి పెళ్ళి చేసుకొవడమంటే ఇష్టం. కానీ తన తండ్రి చేసిన పని ఇప్పుడతని ప్రేమ వివాహానికి అడ్డంకిగా మారింది. అదేంటంటే, గడచిన పదేళ్ళలో జెప్‌ తండ్రి 500 సార్లు వీర్యదానం చేశాడు. గ్రహీతల్లో చుట్టుపక్కల వారే అధికంగా ఉన్నారు. దీంతో ఏ అమ్మాయిని చూసినా పెళ్లి మాటెత్తడానికి జంకుతున్నాడు. ఎందుకంటే జన్యుపరంగా తల్లులు వేరైనప్పటికి వాళ్లు తన తండ్రి వీర్యంతోనే పుట్టారేమోనని తెగ భయపడిపోతున్నాడు. ఈ క్రమంలో ఎవరితోనైనా డేటింగ్‌ చేయాలన్న ఎక్కడ తనకు బంధువులవుతారో అని ఇబ్బంది పడుతున్నారు.

కొన్ని రోజుల క్రితం మెక్‌లెనన్‌ కోలన్‌ తన సోదరుడవుతాడని తెలుసుకున్న జెప్‌, అతడు తన పాఠశాలలోనే చదివాడని తెలుసుకొని షాక్‌కు గురయ్యాడు. ఇప్పటి వరకు తన చుట్టుపక్కల 8 మంది చెల్లెళ్ళును గుర్తించినట్లు జెవ్‌ మీడియాకు తెలిపారు. తమ వీధిలోని ఓ అపార్ట్‌మెంట్‌లో తండ్రి వీర్యంతో జన్మించిన వాళ్లు చాలా మందే ఉన్నారని ఆవేదన చెందారు. ఇప్పటి వరకు తండ్రి వీర్యం దానంతో 50 మంది పిల్లలు పుట్టారని జెప్‌ తెలిపాడు.