ఈ సిగరెట్ లతో గుండె లయలో మార్పు

ఈ-సిగరెట్ లతో గుండెలయలో మార్పులు వస్తాయని తాజా పరిశోధనలో తేలింది. యూనివర్సిటీ ఆఫ్‌ లూయీవిల్లి శాస్త్రవేత్తలు జంతువులపై జరిపిన అధ్యయనాల్లో ఈ సంగతి వెల్లడైనట్టు పరిశోధన బృందదానికి నాయకత్వం వహించిన అలెక్స్‌ కారల్‌  తెలిపారు. జంతువుల గుండె కొట్టుకునే తీరులో ఈ సిగరెట్ల వల్ల మార్పులు వచ్చినట్టు ఆయన వివరించారు. ఈ పరిశోధన బృందంలో భారత సంతతికి చెందిన అరుణి భట్నాగర్‌ కూడా ఉండటం విశేషం. గుండెలయలో మార్పు పర్యవసానంగా గుండెజబ్బులు, గుండె పోటు రావచ్చని కారల్‌ హెచ్చరించారు. ఈ సిగరెట్లు వినియోగం ప్రపంచ వ్యాప్తంగా పెరిగిపోతున్న నేపథ్యంలో ఈ అధ్యయన ఫలితాలు ఆందోళన కలిగిస్తున్నాయి.