అమెరికాలో కోటి మందిపైగా చిన్నారులకు …

అగ్రరాజ్యం అమెరికాలో ఇప్పటి వరకు కోటీ మందికి పైగా చిన్నారులు కరోనా బారినపడ్డారు. అమెరికా పిల్లల వైద్యుల అకాడమీ (ఎఎపీ) బాలల ఆస్పత్రి సమాఖ్య సంయుక్త నివేదికలో ఈ విషయం వెల్లడించారు.  జనవరి 20 నాటికి దేశవ్యాప్తంగా 1,06,03,034 మంది చిన్నారులకు కోవిడ్‌ నిర్ధారణైంది. మొత్తం కొవిడ్‌  కేసుల్లో ఇది 18.4 శాతం ఒమిక్రాన్‌ వేరియంట్‌ తలెత్తినప్పటి నుండి పిల్లల్లో గణనీయంగా కేసులు పెరిగాయి. గత వారంలో 11 లక్షల మందికి పైగా పిల్లలు కోవిడ్‌ బారిన పడ్డారు. గత శీతాకాలంలో నమోదైన కేసుల కన్నా ఇది ఐదు రెట్లు ఎక్కువ. గత రెండు వారాల్లోనే 20 లక్షల మందికి పైగా  పిల్లలు కోవిడ్‌ బారిన పడ్డారు. సెప్టెంబరు మొదటి వారానికి పిల్లలకు సంబంధించిన 56 లక్షల కేసులు వుండేవి. ఇప్పుడవి కోటి దాటి పెరుగుతుండటంతో ప్రజల్లో ఆందోళన నెలకొంది.