గుడ్ న్యూస్ భారత్ కు .. మరో వ్యాక్సిన్

దేశంలో కరోనా వైరస్‍ మహమ్మారి విలయతాండవం చేస్తున్న వేళ వ్యాక్సిన్‍ కొరత రాష్ట్రాలను వేధిస్తోంది. ఈ సమయంలో కేంద్రం శుభవార్త చెప్పింది. రష్యా అభివృద్ధి చేసిన స్పుత్నిక్‍ -వీ టీకా రెండో బ్యాచ్‍ కూడా రేపు భారత్‍కు చేరుకోనుంది. ఇప్పటికే ఈ నెల 1న తొలి బ్యాచ్‍ టీకాలు భారత్‍కు వచ్చాయి. రష్యా నుంచి అత్యవసర సమయాల్లో స్పుత్నిక్‍-వీ టీకాలను భారత్‍కు దిగుమతి చేసుకోవడానికి డాక్టర్‍ రెడ్డీస్‍ ల్యాబోరేటరీస్‍కు డ్రగ్స్ కంట్రోలర్‍ జనరల్‍ ఆఫ్‍ ఇండియా (డీసీజీఐ) అనుమతి ఇచ్చింది. ఈ నేపథ్యంలో రెడ్డీస్‍ ల్యాబోరేటరీస్‍ బ్యాచ్‍ల వారీగా టీకాలను దిగుమతి చేసుకుంటున్నది. దేశంలో కరోనా పాజిటివ్‍ కేసులు సంఖ్య వేగంగా పెరుగుతున్న నేపథ్యంలో మూడో దశ వ్యాక్సినేషన్‍ను మరింత వేగవంతం చేయడం కోసం విదేశీ వ్యాక్సిన్‍లకు భారత్‍ అనుమతిస్తున్నది.