సీరం గుడ్ న్యూస్… సెప్టెంబరు నాటికే

మరో కరోనా వ్యాక్సిన్‍ అందుబాటులోకి తీసుకొచ్చే విషయంలో సీరం ఇన్‍స్టిట్యూట్‍ ఆఫ్‍ ఇండియా (ఎస్‍ఐఐ) గుడ్‍ న్యూస్‍ చెప్పింది. దేశంలో కోవిడ్‍ -19 వ్యాక్సిన్‍ నోవావాక్స్ క్లినికల్‍ ట్రయల్స్ పూర్తయ్యే దశలో ఉన్నాయని, ఈ ఏడాది నాటికి అందుబాటులోకి తీసుకురావాలని భావిస్తున్నట్లు సీరం సీఈవో అదార్‍ పూనావల్లా తెలిపారు. అంతేకాదు పిల్లలపై వ్యాక్సిన్‍ ట్రయల్స్ ప్రారంభించాలని యోచిస్తున్నట్టు కూడా వెల్లడించారు. నోవావాక్స్ టీకా ఒక మాదిరి తీవ్రమైన వైరస్‍ బాధితుల్లో 100 శాతం రక్షణనిస్తోందని, సగటున నోవావాక్స్ వ్యాక్సిన్‍ 90 శాతం సమర్ధవంతమైందని పూనావల్లా వెల్లడించారు.

అయితే గ్లోబల్‍ ట్రయల్స్ లేదా ఆధారంగా తాము లైసెన్స్ కోసం దరఖాస్తు  చేసుకునే అవకాశం ఉందన్నారు. నవంబర్‍ నాటికి ఇది అందుబాటులోకి రానుందని భావిస్తున్నామన్నారు. రెగ్యులేటరీ ఆమోదం పొందితే కంపెనీ సెప్టెంబరు నాటికి  నోవావాక్స్ ఉత్పత్తిని ప్రారంభిస్తుందని చెప్పారు. పిల్లలకు టీకా అందుబాటులోకి తీసుకొచ్చే క్రమంలో నోవావాక్స్ క్లినికల్‍ ట్రయల్స్ ను జూలైలో ప్రారంభించాలని యోచిస్తున్నామనీ దీనిపై త్వరరోనే డ్రగ్‍ రెగ్యులేటరి అనుమతి కోరనున్నామని తెలిపారు.