కరోనా విజృంభణ… లక్ష దాటిన కొత్త కేసులు

దేశవ్యాప్తంగా కరోనా సెకండ్‍ వేవ్‍ విజృంభిస్తోంది. రికార్డు స్థాయిలో తొలిసారిగా కరోనా కేసులు నమోదయ్యాయి. గడిచిన 24 గంటల్లో 1,15,736 పాజిటివ్‍ కేసులు నమోదయ్యాయని కేంద్ర కుటుంబ, ఆరోగ్యమంత్రిత్వశాఖ తెలిపింది. ఒకే రోజు 630 మరణాలు నమోదయ్యాయి. తాజాగా నమోదైన కేసులతో మొత్తం కేసుల సంఖ్య 1,28,01,785కు చేరింది. కొత్తగా 59,856 మంది డిశ్చార్జి అయ్యారు. ఇప్పటి వరకు 1,17,92,135 మంది కోలుకున్నారు. వైరస్‍ ప్రభావంతో ఇప్పటి వరకు 1,66,177 మృతి చెందారు. ప్రస్తుతం దేశంలో 8,43,473 యాక్టివ్‍ కేసులున్నాయని తెలిపింది. మరోవైపు టీకా డ్రైవ్‍ ముమ్మరంగా సాగుతోంది. ఇప్పటి వరకు 8,70,77,474 డోసులు వేసినట్లు పేర్కొంది.