గొరిల్లాలకు కరోనా టీకా..ఎక్కడో తెలుసా?

అమెరికాలోని శాన్‍డియాగో జంతు ప్రదర్శన శాల (జూ)లో కరోనా మహమ్మారి బారిన పడిన గొరిల్లాలకు టీకా అందించారు. టీకా తీసుకున్న వాటిలో నాలుగు ఒరంగుఠాన్‍లు, ఐదు బొనాబొలు ఉన్నాయి. గత జనవరిలో వీటికి వైరస్‍ సోకగా.. ప్రత్యేక చికిత్స అందించి వాటిని కాపాడారు. అప్పట్లో జూ సిబ్బందికి కొవిడ్‍ సోకడంతో వీరి ద్వారా ఈ జంతువులు మహమ్మారి బారిన పడ్డాయి. ప్రస్తుతం వీటి పరిస్థితి బాగానే ఉందని, దగ్గు, జలుబు వంటి స్వల్ప లక్షణాలతో బాధపడుతున్నాయని అధికారులు వెల్లడించారు.