కొవిన్ పోర్టల్ ను సందర్శించే వారు… ఆ మెసేజ్ తో జాగ్రత్త!

కరోనా వ్యాక్సిన్‍ రిజిస్ట్రేషన్‍ కోసం కొవిన్‍ పోర్టల్‍ను సందర్శించే వారు జాగ్రత్తగా ఉండాలి. ఎందుకంటే సైబర్‍ నేరగాళ్లు కొత్త కుట్రకు తెరలేపారు. తమ యాప్‍ను డౌన్‍లోడ్‍ చేసుకుంటే కొవిడ్‍-19 వ్యాక్సిన్‍ రిజిస్ట్రేషన్‍ను సులభంగా చేసుకోవచ్చని ఓ మాల్‍వేర్‍ లింక్‍ను ఫోన్‍లకు ఎస్సెమ్మెస్‍గా పంపిస్తున్నారు. ఆ లింక్‍పై క్లిక్‍ చేసిన పలువురు యూజర్ల ఫోన్లలోని కాంటాక్ట్ లిస్ట్ సైబర్‍ నేరగాళ్ల చేతుల్లోకి వెళ్లినట్టు గుర్తించామని సెర్ట్ తెలిపింది. ఆండ్రాయిడ్‍ ఫోన్లే లక్ష్యంగా దాడులు జరుగుతున్నట్టు వెల్లడించింది. Covid19.apk; Vaci__Regis.apk; MyVaccin_v2.apk; Cov-Regis.apk and Vccin-Apply.apk  వంటి లింక్స్ పట్ల అప్రమత్తంగా ఉండాలని హెచ్చరించింది. కొవిన్‍ పోర్టల్‍ ద్వారానే టీకా రిజిస్ట్రేషన్‍ చేసుకోవాలని ప్రకటించింది.